HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Ընդդիմադիր պատգամավորներն առաջարկում են դեղերն ազատել ԱԱՀ-ից, որ մատչելի լինի բնակչությանը

«Ելք» խմբակցության պատգամավորներ Նիկոլ Փաշինյանը,  Գևորգ Գորգիսյանը, Մանե Թանդիլյանը և Արտակ Զեյնալյանը  օրենքի նախագիծ են ներկայացրել Ազգային ժողով, որով առաջարկում են «Ավելացված արժեքի հարկի մասին» օրենքում փոփոխություն կատարելու միջոցով դեղերի իրացումն ազատել ավելացված արժեքի հարկից:

Պատգամավորների կարծիքով` դեղերի բարձր գները հանգեցնում են մի իրավիճակի, երբ Հայաստանի բազմաթիվ քաղաքացիներ ստիպված են անհրաժեշտ դեղեր ձեռք բերելու համար դիմել արտերկրում ապրող կամ արտերկիր մեկնող բարեկամներին: Ընդհուպ դեղերի գնումներ իրականացնելու համար մեկնել հարևան Վրաստան:

«Փորձագետների, պետական պաշտոնյաների մեկնաբանությունների համաձայն` Հայաստանում դեղերի բարձր գների առանցքային պատճառներից մեկն այն է, որ մեր երկրում դեղերի իրացման վրա կիրառվում է ավելացված արժեքի հարկ: Ստեղծված իրավիճակը սպառնալիքներ է ստեղծում ՀՀ քաղաքացիների առողջության պահպանման համար, որովհետև դեղերը Հայաստանում գնալով դառնում են ավելի և ավելի անմատչելի»,-պատճառաբանում են նախագծի հեղինակ պատգամավորները:

Նրանց կարծիքով` դեղերի իրացումը ԱԱՀ-ով հարկումից ազատելը կհանգեցնի դեղերի որոշակի էժանացման, դեղերը համապատասխանաբար կդառնան ավելի մատչելի, ինչը դրական ազդեցություն կունենա Հայաստանի բնակչության առողջապահական վիճակի վրա: 

 

Մեկնաբանություններ (1)

Աննա
Սա միակ պատճառը չէ դեղերի բարձր գնի, կան նաև բազմաթիվ դեղեր, որոնք հատուկ չեն գրանցվում՝ դրանց անալոգային էժանագին դեղերը գրանցած ունենալու հիմար պատճառաբանությամբ, որի արդյունքում աշխատում է լըֆիկի ստվերային շուկան ու փառթամորեն զարգանում։ Շատ պրիմիտիվ դեղեր, օրինակ՝ վահանաձև գեղձի խնդիրների համար Պրոպիցիլ պրեպարատը, չեն գրանցում, լըֆիկի ստվերային շուկան բերում ա հայաստան ու ստվերային վաճառքում դնում քառապատիկ բարձր գին։ Ամեն դեպքում, ԱԱՀ֊ն հիմարագույն հարկա, էլի ժողովրդին թալանելու միջոց, տասանորդի նման մի բան․․․

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter