ՈՒրբաթ, 22 սեպտեմբերի

«Նորք-Մարաշ» բժշկական կենտրոնը երկու արտոնություն ստացավ



Կառավարությունը այսօրվա նիստում տնտեսական զարգացման և ներդրումների նախարար Սուրեն Կարայանի առաջարկով երկու արտոնություն տրամադրեց «Նորք-Մարաշ» բժշկական կենտրոնին։

Առաջին արտոնությամբ՝ բժշկական կենտրոնի կողմից ներմուծված սարքավորումները կազատվեն մաքսատուրքից։ Դրանք 14 անուն, ավելի քան 2 միլիարդ դրամ արժեք ունեցող սարքավորումներ են, որոնք ներկրվելու են Գերմանիայից, ԱՄՆ-ից, Ավստրիայից, Չեխիայից։

Կառավարության տրամադրած մյուս արտոնությամբ՝ սեպտեմբերի 8-ից մինչև 2018թ.-ի փետրվարի 28-ը ընկերության կողմից ներմուծվող ապրանքների` մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը կհետաձգվի 3 տարի ժամկետով։ ԱԱՀ-ով հետաձգվող սարքավորումների նախատեսված գումարը կկազմի մոտ 426,7 մլն դրամ:

Ինչպես ասվում է կառավարություն ներկայացված որոշման նախագծում՝ ընկերությունը նպատակ ունի կատարել ընդհանուր շուրջ 4 մլրդ դրամի ներդրում։

Լուսանկարը՝ www.nmmc.am


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ