HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

«Նաիրիտի» տվյալները կփոխանցվեն Վեոլիա խմբի կազմակերպություններին

Սեպտեմբերի 12-ին արտակարգ իրավիճակների նախարար Դավիթ Տոնոյանն ընդունել է «Վեոլիա Ջուր» ընկերության ներկայացուցիչներին՝ գլխավոր տնօրեն Կրիստիան Լըֆեի գլխավորությամբ:

Ամբողջ աշխարհում հայտնի Վեոլիա խումբը, ըստ ԱԻՆ-ի, լուրջ փորձառություն ունի նաև արտադրական թունավոր թափոնների վերամշակման, պահպանման և չեզոքացման գործում:

Ընկերությունն արձագանքել է ԱԻՆ օգնության հայտին, այն է՝ փորձագիտական աջակցություն տրամադրել «Նաիրիտ» գործարանի առկա վիճակի ուսումնասիրության և խնդիրների լուծման հնարավոր տարբերակներ գտնելու համար:

Կրիստիան Լըֆեն իր խոսքում նշել է, որ Վեոլիա խմբի կազմում կան մասնագիտացված ընկերություններ, որոնք կարող են հետաքրքրվել ԱԻ նախարարության բարձրաձայնած հարցով:

Շնորհակալություն հայտնելով օգնության ձեռք մեկնելու համար՝ արտակարգ իրավիճակների նախարար Դավիթ Տոնոյանը նշել է, որ աղետների ռիսկի նվազեցման ոլորտում պետական և մասնավոր հատվածների փոխգործակցությունը չափազանց կարևոր է, և եվրոպական 3 երկրներից ժամանած փորձագետներ արդեն սկսել են իրենց ուսումնասիրությունները:

«Հուսով եմ, որ մենք միասին կարող ենք գտնել խնդրի լուծման ամենաարդյունավետ տարբերակը»,- ասաց ԱԻ նախարարը:

«Վեոլիա Ջուր» ՓԲԸ ներկայացուցիչներին գործարանի ներկա վիճակը հակիրճ ներկայացնելուց հետո պայմանավորվածություն է ձեռք բերվել «Նաիրիտի» տվյալները փոխանցել Վեոլիա խմբի համապատասխան կազմակերպություններին և, անհրաժեշտության դեպքում, փորձագետներ հրավիրել Հայաստան, որոնք ուսումնասիրելով իրավիճակը՝ կփորձեն ամբողջական տեխնիկական առաջարկ ներկայացնել խնդրի լուծման համար:

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter