Մեկնարկում է «Ֆաունայի կենսաբազմազանությունը և պահպանության հիմնախնդիրները-3» միջազգային գիտաժողովը
Վաղը` ժամը 9:45-ին, Հայաստանի ամերիկյան համալսարանի մեծ դահլիճում իր աշխատանքները կսկսի «Ֆաունայի կենսաբազմազանությունը և պահպանության հիմնախնդիրները-3» միջազգային գիտաժողովը: Այս մասին տեղեկացնում է Գիտությունների ազգային ակադեմիան։ Գիտաժողովին ներկայացված են 60-ից ավելի գիտական զեկուցումներ Հայաստանի, Ռուսաստանի, Վրաստանի, Բելառուսի, Լեհաստանի, Սլովենիայի, Սլովակիայի, Լեհաստանի, Ֆրանսիայի գիտնականների կողմից կենդանական աշխարհի վիճակի, պահպանման, կենսապայմանների, հատկությունների, խնդիրների վերաբերյալ:
Գիտաժողովը կազմակերպել են ԳԱԱ կենդանաբանության և հիդրոէկոլոգիայիգիտական կենտրոնը, Ռուսաստանի գիտությունների ակադեմիայի Ա.Ն. Սևերցովի անվան էկոլոգիայի և էվոլյուցիայի պրոբլեմների ինստիտուտը, Հայաստանի ամերիկյան համալսարան հիմնադրամի Հակոբյանի անվան շրջակա միջավայրի կենտրոնը` ԿԳՆ Գիտության պետական կոմիտեի, WWF-Հայաստանի,Գերմանիայի միջազգային համագործակցության ընկերության, Միացյալ Ազգերի Զարգացման Ծրագրի, Երիտասարդ գիտնականների աջակցման ծրագրի,«Երիտասարդ կենսաբանների ասոցիացիա» ՀԿ-ի աջակցությամբ: Գիտաժողովն իր աշխատանքները կշարունակի մինչև սեպտեմբերի 29-ը:
լուսանկարը՝ anews.am-ի
Մեկնաբանել