Հայաստանի պետական պարտքն այս տարվա օգոստոսի վերջի դրությամբ կազմել է ավելի քան 6.259 մլրդ ԱՄՆ դոլար։ Միայն օգոստոսին այն աճել է 57.9  մլն դոլարով։ Այս մասին են վկայում Ազգային վիճակագրական ծառայության հրապարակած տվյալները (ՀՀ ԱՎԾ)։ 

Իսկ տարեսկզբի համեմատ Հայաստանի պետական պարտքն աճել է ավելի քան 317 մլն դոլարով կամ 5.3%-ով։ 

Միայն ՀՀ արտաքին պարտքը օգոստոսի վերջի դրությամբ ավելի քան 5  մլրդ դոլար է, իսկ ներքին պարտքը՝ 1.238 մլրդ դոլար։

Ըստ ՀՀ ԱՎԾ տվյալների` օգոստոսին ՀՀ արտաքին պարտքն աճել է 35.9 մլն դոլարով, իսկ ներքին պարտքը՝ մոտ 22 մլն դոլարով։

Նշենք, որ արտաքին պարտքի գերակշիռ մասը ՀՀ կառավարության պարտքն է։