Հինգշաբթի, 19 հոկտեմբերի

«Բերրիություն»-ը կրկին պարարտանյութ կմատակարարի



Գեղարքունիքի, Կոտայքի և Շիրակի մարզերին ազոտական պարարտանյութ մատակարարելու է «Բերրիություն» ԱՄ-ի Մասիսի շրջանային միավորում» ընկերությունը: Կառավարությունը այսօրվա նիստում հաստատեց որոշման այս նախագիծը` գյուղատնտեսության նախարար Իգնատի Առաքելյանի առաջարկով:

Նշենք, որ այս ընկերությունը տարիներ շարունակում գյուղատնտեսության նախարարության հետ պարարտանյութերի մատակարարման խոշոր գործարք կնքող ընկերություններից է:

Բերրիություն» ԱՄ-ի Մասիսի շրջանային միավորում»-ի հետ նոր պայմանագիր է կնքվելու, քանի որ, կառավարության մեկ այլ որոշմամբ, այս պարտանյութը պետք է մատակարարեր «Տարգովիյ Դոմ «Դոնսկոյ Ագրոխիմ Ցենտր» ընկերությունը, սակայն ինչպես ասվում է գործադիր բերված նախագծում՝ վերջինս խնդիրների պատճառով (Իրանի Իսլամական Հանրապետության ազգային տոների հետ կապված) ազոտական պարարտանյութի մատակարարումն ուշացրել է, որի համար նշված մարզերին 3 104 տոննա ազոտական պարարտանյութի մատակարարումն իրականացվել է «Բերրիություն» ԱՄ-ի Մասիսի շրջանային միավորում»-ի կողմից։

«Բերրիություն» ԱՄ-ի Մասիսի շրջանային միավորում»-ը այս պարարտանյութերի մատակարարման համար կստանա 61 միլիոն դրամ, որը դուրս կգա «Դոնսկոյ Ագրոխիմ Ցենտր»-ի կողմից ներկրվող սուբսիդավորվող պարարտանյութերի համար նախատեսված գումարից: 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ