Չորեքշաբթի, 19 սեպտեմբերի

Սահմանամերձ դպրոցների աշակերտների դասագրքերի և ուսանողների վարձավճարը մասնակի կփոխհատուցվի



Կառավարությունն այսօրվա նիստում որոշեց իր պահուստային ֆոնդից 103 մլն դրամ հատկացնել կրթության և գիտության նախարարությանը։ Այդ գումարից 26,5 մլն դրամը կուղղվի սոցիալական աջակցություն ստացող սահմանամերձ համայնքների 5-12-րդ դասարանների աշակերտների դասագրքերի վարձավճարների փոխհատուցմանը, իսկ 76 մլն դրամը՝ բարձրագույն ուսումնական հաստատություններում սովորող, սոցիալական աջակցություն ստացող սահմանամերձ համայնքների ուսանողների ուսման վարձավճարների մասնակի փոխհատուցմանը։

5-12-րդ դասարանների աշակերտների դասագրքերի վարձավճարների փոխհատուցման գումար կստանան Արարատի, Գեղարքունիքի, Վայոց ձորի, Տավուշի մարզի դպրոցները։

Ինչպես նշվում է կրթության և գիտության նախարար Լևոն Մկրտչյանի ներկայացրած որոշման նախագծում՝ այս ծրագրերի իրականացման արդյունքում այդ համայնքների բնակիչների սոցիալական վիճակը կբարելավվի, բնակավայրերից սոցիալական պայմաններից դրդված արտագաղթը կնվազի։ 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ