Չորեքշաբթի, 19 սեպտեմբերի

Մահացել է գեղանկարիչ Սարո Կալենցը



Այսօր կյանքից հեռացել է գեղանկարիչ, պրոֆեսոր Սարո Կալենցը։

Սարո Կալենցը ՀԽՍՀ վաստակավոր նկարիչ Հարություն Կալենցի եւ ՀԽՍՀ վաստակավոր նկարիչ Արմինե Կալենցի որդին էր։ Կրթությունը ստացել է Երեւանում, նախ` Փ. Թերլեմեզյանի անվան նկարչական ուսումնարանում, այնուհետեւ` Երեւանի պետական գեղարվեստաթատերական ինստիտուտում` նկարչություն եւ տեքստիլ դիզայն բաժնում, եւս մեկ տարի՝ Տալլինի (Էստոնիա) Գեղարվեստի ինստիտուտում։

Շուրջ քսան տարի ապրել եւ ստեղծագործել է Մոսկվայում։ Իր ստեղծագործություններով նա մասնակցել է «Հայկական արվեստ» միջազգային խմբային ցուցահանդեսների Ռուսաստանում, Ֆինլանդիայում, Բուլղարիայում, Հնդկաստանում, Շրի Լանկայում, Սիրիայում եւ Կանադայում։

1980-ական թվականների վերջին Սարո Կալենցը վերադառնում է Երեւան՝ դասավանդելու Երեւանի պետական գեղարվեստի ակադեմիայում։ 1990-ականներին իրականացրել է մի շարք ուղեւորություններ դեպի Եվրոպա եւ Ասիա, բացել է անհատական ցուցահանդեսներ Փարիզում (1998) եւ Նիկոսիայում (1996)։
2009 թվականին Սարո Կալենցը հիմնադրել է «Կալենց» մշակութային հիմնադրամը, մեկ տարի անց հիմնադրամի եւ Հայաստանի մշակույթի նախարարության աջակցությամբ Երեւանում բացվել է «Կալենց» թանգարանը։

Կալենցի տարբեր տարիների ստեղծագործությունները՝ ստորեւ։

Քույրեր

Գիշերը

Մեկ բաժակ ջուր

ժամանակ #5

Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ