HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

ԱԺ պատգամավորների աշխատավարձերից պահումներ են կատարվել մշտական հանձնաժողովների նիստերից բացակայելու համար

Ազգային Ժողովի 17 պատգամավորների աշխատավարձերից պահումներ են կատարվել 6-րդ գումարման խորհրդարանի մշտական հանձնաժողովների նիստերից բացակայելու համար: Այս մասին տեղեկանում ենք «Հետք»-ի` ԱԺ լրատվական վարչություն ուղարկված գրավոր հարցման պատասխանից: Լիագումար նիստերից պատգամավորների աշխատավարձերից պահումների մասին «Հետքն» ավելի վաղ գրել է:

Հանձնաժողովներից բացակայած և այդ բացակայությունների համար աշխատավարձերից գումար պահված պատգամավորների թիվը 17-ն է, նրանցից 7-ը բացակայել է Պաշտպանության և անվտանգության հարցերի հանձնաժողովից, 4-ը՝ Ֆինանսավարկային և բյուջետային հարցերի, 3-ը՝ Եվրոպական ինտեգրման հարցերի, 2-ը՝ Պետաիրավական և մարդու իրավունքների պաշտպանության և 1-ը՝ Արտաքին հարաբերությունների հանձնաժողովից: Աշխատավարձերից պահված գումարները տատանվում են շուրջ 24 հազարից մինչև 116 հազար դրամի սահմանում: Նկատենք, որ առավել հաճախ բացակայող պատգամավորները հիմնականում ռեյտինգային ընտրակարգով ընտրված և գործարարությամբ զբաղվող գործիչներն են:

Ներկայացնենք նշված պատգամավորների ցանկը` ինֆոգրաֆիկայի տեսքով:

piktochart.com

Հիշեցնենք, որ լիագումար նիստերից ամենաշատ բացակայություններ ունեցած ԱԺ պատգամավոր Գագիկ Ծառուկյանը որևէ հանձնաժողովում ընդգրկված չէ, այդ պատճառով էլ նրա անունը չկա այս ցանկում: Ըստ ԱԺ կանոնակարգ-օրենքի՝ ԱԺ պատգամավորը պարտավոր է ընդգրկվել մշտական հանձնաժողովի կազմում և մասնակցել իր անդամակցած հանձնաժողովի նիստին: Սակայն կան բացառություններ, որոնց դեպքում պատգամավորը կարող է չընդգրկվել հանձնաժողովի կազմում, ինչպես՝ խմբակցության ղեկավարը, ԱԺ նախագահը, ԱԺ փոխնախագահները:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter