Բանկային համակարգի վճարած հարկերի ծավալն այս տարի աճել է։ Ինչպես վկայում են Պետական եկամուտների կոմիտերի (ՊԵԿ) տվյալները հանրապետության խոշոր հարկատուների հարկերի վերաբերյալ, Հայաստանի 17 առևտրային բանկերն այս տարվա հունվար-սեպտեմբերին ընդհանուր առմամբ պետբյուջե են վճարել են 31.7 մլրդ դրամի հարկ։ Համեմատ 2016  թվականի նույն ժամանակաշրջանի՝ այս ցուցանիշն աճել է 20.1%-ով կամ 5.3 մլրդ դրամով։

• Բանկերի հարկերն այս տարվա առաջին կիսամյակում

2017 թվականի առաջին ինն ամիսների կտրվածքով՝ հայաստանյան բանկերի շարքում խոշորագույն հարկատուն «Արդշինբանկն» է։ Վճարել է 3.98 մլրդ դրամի հարկ ու Հայաստանի 1000 խոշոր հարկատուների ցանկում զբաղեցրել 20-րդ տեղը։ 2016 թվականի նույն ժամանակաշրջանի համեմատ ընկերության հարկերն աճել են մոտ 1.4 մլրդ դրամով:

Բանկերի շարքում հարկերի  ծավալով երկրորդը «Ակբա-Կրեդիտ Ագրիկոլ Բանկն» է։ Վճարած հարկերը կազմել են  ավելի քան 3.3 մլրդ դրամ։ Աճը՝ 583 մլն դրամ։ Այս տարվա ինն ամիսների տվյալներով` երկրի 24-րդ խոշոր հարկատուն է։

Խոշորների ցանկում «Ակբա-Կրեդիտ Ագրիկոլ Բանկ»-ին անմիջապես հաջորդում է «ՎՏԲ Հայաստան բանկը»։ Բանկը վճարել է մոտ 3.3 մլրդ դրամի հարկ։ Ցուցանիշը 2016 թվականի նույն ժամանակաշրջանի համեմատ աճել է մոտ 492 մլն դրամով։

Հարկերի ծավալով բանկերի առաջին հնգյակում են նաև «Ամերիաբանկն» ու  «Հայբիզնեսբանկը»։ «Ամերիաբանկը» վճարել է մոտ 3.2 մլրդ դրամի հարկ, իսկ «Հայբիզնեսբանկը»`  մոտ 2.7 մլրդ դրամի։

Նրանց և մյուս բանկերի վճարած հարկերի ծավալները և փոփոխությունը նախորդ տարվա հունվար-սեպտեմբերի համեմատ, առավել մանրամասն ներկայացված են ինֆոգրաֆիկայում:

Տվյալները ցույց են տալիս, որ բանկերից  չորսը նվազեցրել է հարկերը։ Ամենամեծ ծավալի բացասական տարբերությունը  գրանցել է «Էյչ Էս Բի Սի Բանկ Հայաստանը»։ Հարկերը նվազեցրել են նաև «Բիբլոս բանկ Արմենիան», «Արցախբանկն» ու «Ամերիաբանկը»։

Իսկ հարկերի ամենամեծ աճը բացարձակ առումով գրանցել է «Անելիք բանկը», տոկոսային առումով՝ «Արմսվիսբանկը»։

Համեմատաբար զգալի աճ են գրանցել նաև Անելիք բանկը, Էվոկաբանկը, Արարատբանկը։

• Բջջային կապի շուկայում անկումը խորանում է, հարկերը՝ նվազում

Ընդհանուր առմամբ, այս տարին բանկային համակարգի համար նպաստավոր է։ Հաշվետվությունները վկայում են, որ 17 բանկից 15-ն այս տարի շահույթով է աշխատել։ Ընդ որում՝ մեծ մասի շահույթը նախորդ տարվա համեմատ մեծացել է։ Դրանով բանկերն արդեն իսկ գերազանցել են նաև նախորդ տարվա շահույթի տարեկան մակարդակը։