HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Նահապետ Գևորգյանը քվեարկում է Աշոտ Արսենյանի փոխարեն (տեսանյութ)

Խորհրդարանն այսօր մի շարք նախագծեր ընդունեց, որոնց քվեարկությանը «մասնակցում» էր նաև նիստերից բացակա ՀՀԿ անդամը։ «Հետք»-ն արձանագրեց, որ ՀՀԿ խմբակցության պատգամավոր Նահապետ Գևորգյանը քվեարկում է մեկ այլ ՀՀԿ-ականի՝ Աշոտ Արսենյանի փոխարեն։

Երբ «Ելք» խմբակցության պատգամավոր Արարատ Միրզոյանը բարձրաձայնեց ուրիշի փոխարեն քվեարկության դեպքի մասին՝ խնդրելով քվեարկության պատկերը կրկնել, ԱԺ փոխխոսնակ Էդուարդ Շարմազանովն արձագանքեց, թե հնարավոր է տեխնիկական խնդիր լինի, նույնիսկ կատակեց. «Քարտուղարությանը խնդրում եմ կոճակները ստուգել, կա, որ կոճակը չի աշխատում, կա՝ ավտոմատ է աշխատում»։

Դրանից հետո Գևորգյանը քվեարկեց միայն իր փոխարեն։ Շարմազանովն էլ հայտարարեց, թե դիմել է քարտուղարությանը, որպեսզի խնդիրները վերացնեն։

Հիշեցնենք, որ ԱԺ կանոնակարգ օրենքի համաձայն՝ պատգամավորն անձամբ է  գրանցվում, քվեարկում, բացառությամբ այն դեպքերի, երբ պատգամավորը գործուղման է և թողել է իր քվեարկության մասին համապատասխան գրություն։

Նկատենք, որ երկու օր առաջ էլ Մուրադ Մուրադյանն էր քվեարկել Սեդրակ Սարոյանի փոխարեն։ 

Առավել մանրամասն՝ տեսանյութում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter