HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Էդիկ Բաղդասարյան

Երվանդ Զախարյանը շարունակում է հողերի վաճառքը

Քաղաքապետ Երվանդ Զախարյանի` 2003թ. դեկտեմբերի 26-ի որոշմամբ «Ակումբ համալիր» ՍՊԸ-ի` Հրազդանի կիրճում ունեցած 2050 քմ տարածքին 25 տարի ժամկետով հատկացվել է եւս 2050 քմ հավելյալ հողամաս: 

 Նշենք, որ Հրազդանի կիրճում կառուցված են 11 օբյեկտներ (ռեստորաններ, սրճարաններ, մոթելներ): Այս օբյեկտներից երեքն ընդհանրապես չունեն հողհատկացման փաստաթղթեր, իսկ մյուս օբյեկտների տարածքները հատկացրել են քաղաքապետեր Սուրեն Աբրահամյանը (1), Ալբերտ Բազեյանը (2), Ռոբերտ Նազարյանը (4), Երվանդ Զախարյանը (1): Այս տարածքում չկա կոյուղագիծ, եւ բոլոր օբյեկտների կեղտաջրերը լցվում են Հրազդան գետ, որի ջրերով էլ ոռոգվում են Երեւանի մերձակա գյուղերից շուկաներում վաճառվող բանջարեղենը: 

 Ի՞նչն է ստիպել քաղաքապետ Երվանդ Զախարյանին Նոր տարվա նախօրեին քաղաքի համար այդքան «կենսական» որոշում կայացնել: 

 Պարզապես նշենք, որ «Ակումբ համալիր» ՍՊԸ-ի հիմնադիրը ոստիկանության նախկին աշխատակից, Երեւանի քաղաքապետարանի նախկին պաշտոնյա, Արաբկիր համայնքի թաղապետ Լեւոն Հարությունյանն է, նույն ինքը` «Մոնտե Քրիստոյի» տերը:

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter