Կառավարության պահուստային ֆոնդից գումար տրամադրվեց ՊՆ-ին ու ԱԻՆ-ին
Կառավարության նիստում 2017 թվականի պետական բյուջեի պահուտային ֆոնդից արտակարգ իրավիճակների և պաշտպանության նախարարություններին հատկացվեց համապատասխանաբար 4 միլիոն 760 հազար դրամ և 51 միլիոն դրամ:
Ըստ նախագծի արձանագրության՝ գումարն անհրաժեշտ է 2017 թվականի օգոստոսի 14-19-ը Հայաստանի Հանրապետությունում հրդեհաշիջման աշխատանքներին աջակցելու համար Ռուսաստանի Դաշնության քաղաքացիական պաշտպանության, արտակարգ իրավիճակների և տարերային աղետների հետևանքների վերացման նախարարության փրկարարական խմբի Հայաստանի Հանրապետություն ժամանելու հետ կապված ծախսերը փոխհատուցելու նպատակով:
ԱԻՆ-ին հատկացվող գումարի վերաբերյալ նախագծում նշվում է, որ այն տրամադրվում է «ներկայացուցչական ծախսեր» հոդվածով:
Ինչ վերաբերում է Պաշտպանության նախարարությանը գումար հատկացնելուն, ապա այն հրդեհաշիջման աշխատանքներն իրականացնելու նպատակով «ԻԼ-76» ինքնաթիռի շահագործման համար տրամադրված վառելանյութի պաշարների վերականգնման համար է:
Նշենք, որ նախագիծը չզեկուցվող էր:
Մեկնաբանել