Տեսանյութեր
Լուսանկարներ
Արտգործնախարար Նալբանդյանը հանդիպել է ԵԱՀԿ գլխավոր քարտուղարին
Վիեննայում ԵԱՀԿ արտգործնախարարների 24-րդ խորհրդի աշխատանքներին մասնակցող արտգործնախարար Էդվարդ Նալբանդյանը հանդիպել է ԵԱՀԿ գլխավոր քարտուղար Թոմաս Գրեմինգերին: Այս մասին տեղեկացնում է ԱԳՆ-ն:
Հանդիպման ընթացքում քննարկվել են ԵԱՀԿ շրջանակներում Հայաստանի ներգրավվածությանը, տարբեր հարթություններում առկա համագործակցությանն առնչվող հարցեր:
Զրուցակիցները գոհունակություն են հայտնել, որ «Հայաստանի հետ համագործակցության ծրագիրը» լավ հնարավորություններ է ընձեռում ԵԱՀԿ շրջանակներում փոխգործացության ամրապնդման և խորացման համար:
Էդվարդ Նալբանդյանը և Թոմաս Գրեմինգերն անդրադարձել են ԵԱՀԿ օրակարգային մի շարք հարցերի, արտգործնախարարների 24-րդ խորհրդի արդյունքներին։
Նախարար Նալբանդյանը գլխավոր քարտուղար Գրեմինգերին ներկայացրել է ղարաբաղյան հիմնահարցի խաղաղ կարգավորման գործընթացն առաջ մղելուն ուղղված՝ Հայաստանի ու ԵԱՀԿ Մինսկի խմբի համանախագահ երկրների ջանքերը, անդրադարձավ երկու օր առաջ Մինսկի խմբի համանախագահների և Ադրբեջանի ԱԳ նախարարի հետ ունեցած հանդիպումներին:
Մեկնաբանել