Հինգշաբթի, 19 ապրիլի

UWC Դիլիջանը նոր ղեկավար կունենա



UWC Դիլիջանի կառավարիչների խորհուրդը հայտարարել է, որ սկսած 2018թ. օգոստոսի 1-ից Գաբրիել Աբադ Ֆերնանդեզը կստանձնի քոլեջի տնօրենի պաշտոնը:
Դենիզ Դեւիդսոնը, ով վերջին երկու տարիների ընթացքում եղել է UWC Դիլիջանի ժամանակավոր տնօրենը, այս ուսումնական տարվա ավարտին դպրոցի ղեկավարումը կփոխանցի Գաբրիելին: «UWC Դիլիջանը պատիվ է ունեցել աշխատել միսսիս Դեվիդսոնի հմուտ և փորձառու առաջնորդության ներքո, որը նպաստել է UWC Դիլիջանի համայնքի զարգացմանը՝ բերելով կայունություն, հստակ մշակված մեխանիզմներ և համախմբվածություն, - ասել է UWC Դիլիջանի համահիմնադիրն ու կառավարիչների խորհրդի նախագահ Վերոնիկա Զոնաբենդը:

«Համախմբված աշխատանքի շրջանից հետո այժմ մենք պատրաստ ենք անցնել ակտիվ առաջընթացի հաջորդ փուլին՝ հիմնվելով կրթության և նորարարական գաղափարների համապարփակ մեթոդի վրա, որը ներառում է Կրթական կլաստերի և Ուսուցիչների զարգացման կենտոնի ստեղծումը», - ավելացրել է Վերոնիկա Զոնաբենդը:

Գաբրիել Աբադը ստանձնում է այս պաշտոնը UWC Հարավարևելյան Ասիայի դպրոցի տարբեր պաշտոններում, այդ թվում ամենավերջին՝ դպրոցի գիշերօթյա ղեկավարման գծով տնօրենի պաշտոնում ձեռք բերած երկարատեւ փորձից հետո: Նրա ակտիվ դերակատարում է ունեցել UWC շարժման, Միջազգային դպրոցների խորհրդի և Միջազգային բակալավրիատի ուսուցիչների ցանցի գործունեության մեջ:

«Ես ոգևորված եմ միանալու UWC Դիլիջանին և շարունակելու ամրապմդել այն ամուր հիմքերը, որը Դենիզը և նրա թիմն են ստեղծել: Իմ կինը՝ Նատալին, UWC Ատլանտիկ քոլեջի շրջանավարտ է, իսկ իմ երեխաները՝ Էլերի Կարմենը և Հարի Գաբրիելը, իրենց ողջ կյանքն անցկացրել են UWCSEA-ի դպրոցում: Չնայած նրան, որ մենք դժվարությամբ հրաժեշտ կտանք UWCSEA-ին, որը վերջին տասնվեց տարիների ընթացքում մեր տունն է եղել և որին մենք պարտական ենք այնքան շատ, մենք անհամբեր սպասում ենք, թե երբ ենք միանալու UWC Դիլիջանին ինչպես նաև Դիլիջանի համայնքին»,- ասել է Գաբրիել Աբադը:


Գլխավոր էջ

Տպել    |  In English



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ