2018թ․ մարտից Հայաստանում կգործեն Սնդիկի վերաբերյալ Մինամատայի կոնվենցիայի դրույթները
2013 թվականի հոկտեմբերի 10-ին ստորագրված Սնդիկի վերաբերյալ Մինամատայի կոնվենցիան վավերացվել է Հայաստանի Հանրապետության 2017 թվականի հոկտեմբերի 19-ի ՀՕ-130-Ն օրենքով։
Սույն թվականի դեկտեմբերի 13-ին Մինամատայի կոնվենցիայի վավերագիրն ի պահ է հանձնվել Միավորված ազգերի կազմակերպության Գլխավոր քարտուղարին, ով կատարում է սույն Կոնվենցիայի Ավանդապահի գործառույթները։
Հայաստանի Հանրապետությունը 85-րդ երկիրն է, որը վավերացրել է Մինամատայի կոնվենցիան։ Կոնվենցիան Հայաստանի Հանրապետության համար ուժի մեջ կմտնի 2018թ. մարտի 13-ից: Այս մասին տեղեկացնում է բնապահպանության նախարարությունը։
Ըստ www.mercuryconvention.org կայքի՝ կոնվենցիայի հիմնական դրույթներից են սնդիկի նոր հանքերի արգելքը, գոյություն ունեցող հանքերի պասիվ գործունեությունը, մի շարք ապրանքներում և գործունեության ոլկորտներում սնդիկի օգտագործման նվազեցումը և այլն։
Մեկնաբանել