Երեքշաբթի, 17 հուլիսի

«Ազատություն» ռ/կ լրագրողի մասնագիտական գործունեությունը խոչընդոտելու դեպքով քրեական գործ է հարուցվել



Լոռու մարզի դատախազությունում քրեական գործ է հարուցվել «Ազատություն» ռադիոկայանի լրագրողի մասնագիտական օրինական գործունեությանը խոչընդոտելու դեպքի առթիվ:

Գլխավոր դատախազությունը տեղեկացնում է, որ 2017 թվականի դեկտեմբերի 4-ին Ազգային ժողովի պատգամավոր Մանե Թանդիլյանի կողմից գլխավոր դատախազին հաղորդում էր ներկայացվել այն մասին, որ Լոռու մարզի Մղարթ բնակավայրում բողոքի ակցիայի իրականացման ընթացքում խոչընդոտել են այն լուսաբանող «Ազատություն» ռադիոկայանի լրագրողի մասնագիտական գործունեությունը:

Հաղորդումը սահմանված կարգով ուղարկվել է ոստիկանության Լոռու մարզի Թումանյանի բաժին՝ Քրեական դատավարության օրենսգրքի 180-181 հոդվածներով սահմանված կարգով հանգամանքներն ստուգելու և քրեական գործի հարուցման հիմքերը պարզելու նպատակով:

Նյութերի նախապատրաստման ընթացքում փաստական տվյալներ են ստացվել այն մասին, որ սույն թվականի դեկտեմբերի 1-ին Լոռու մարզի Մղարթ բնակավայրի նախկին գյուղապետարանի շենքի դիմաց անցկացվող բողոքի ակցիայի ընթացքում նույն բնակավայրի բնակիչ Հ. Դ.-ն հարվածել է «Ազատություն» ռադիոկայանի լրագրող Կարինե Սիմոնյանի տեսախցիկին՝ այդ կերպ խոչընդոտելով նրա կողմից իր մասնագիտական օրինական գործունեության իրականացմանը:

Նկատի ունենալով, որ նյութերն առերևույթ պարունակում են լրագրողի մասնագիտական օրինական գործունեությանը խոչընդոտելու հանցագործության հատկանիշներ՝ Լոռու մարզի դատախազությունում որոշում է կայացվել վերոհիշյալ դեպքի առթիվ քրեական օրենսգրքի 164-րդ հոդվածի 1-ին մասի հատկանիշներով  հարուցել քրեական գործ:

Նախաքննությունը հանձնարարվել է քննչական կոմիտեի Լոռու մարզային քննչական վարչությանը:

լուսանկարը՝ Մղարթի բողոքի ակցիայից / Հետք


Գլխավոր էջ



Մեկնաբանություններ (1)
1. Սամսոն20:35 - 28 դեկտեմբերի, 2017
Ըստեղ մի քիչ անճշտություն կա, նախորդ նյութերից հայտնի էր, որ էտ անձը (Հենոն կամ Հենդոն) Վանաձոր է բնակվում, իսկ գյուղը կամանդիրովկա էր եկել օգնելու, որ «սիրուն» որոշում կայացնեն: Եթե ըսենց են գործը ներկայացնում կարելիա մտածել որ ուզում են հարցերը թեթեւացնեն: Եթե հաշվի առնենք, որ երկու օր եդը ինքը նորից ա եկել, որ գյուղացիներին համոզի որոշումը փոխեն, պարզ ա դառնում որ դրա քամակին քաշով մարդ կա (մքիչ էլ անբարոյական)
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ