ՈՒրբաթ, 21 սեպտեմբերի

Նախագահի օգնականը Արզնիում գարեջրի գործարան և ռեստորան է կառուցելու



«Բիթեր Ռիվեր» ՍՊԸ-ն մտադիր է Արզնի համայնքի վարչական տարածքում, ավելի կոնկրետ՝ Երևան-Սևան մայրուղի 10/5 հասցեում գարեջրի գործարան և ռեստորան կառուցել:

«Բիթեր Ռիվեր» ՍՊԸ-ն հիմնադրվել է 2015 թվականի ապրիլին: Համաձայն ՀՀ ԱՆ իրավաբանական անձանց պետական ռեգիստրի տվյալների՝ ընկերությունը երկու բաժնետեր ունի՝ Եղիսաբեթ Շմավոնյանը և Արեն Դուրգալյանը: Վերջինս նաև ընկերության տնօրենն է:

68-ամյա Եղիսաբեթ Շմավոնյանն էլ ՀՀ նախագահի օգնական Ավետիս Բերբերյանի մայրն է:

Որպես պաշտոնյայի մերձավոր ազգական և համատեղ բնակվող անձ տիկին Շմավոնյանը պարտավոր է հայտարարագիր ներկայացնել: 2015 թվականի հայտարարագրում նա այս ընկերությունում ունեցած բաժնեմասը չի հայտարարագրել: Նշված բաժնեմասը չի հայտարարագրել նաև 2016 թվականին:

Փոխարենը, կենսաթոշակից բացի, 2016-ի հարկային տարում Եղիսաբեթ Շմավոնյանը հայտարարագրել է 153 մլն դրամի փոխառություն և 50 մլն դրամի եկամուտ՝ նվիրատվության տեսքով:

Ավետիս Բերբերյանը նախագահի օգնականի պաշտոնում է արդեն 7 տարի՝ նշանակվել է 2011 թվականի հունվարին: Այդ տարի էլ նրա եկամուտները հասել են 1 մլրդ դրամի: Պաշտոնավարման հաջորդ տարում նախագահի օգնականը 355 մլն դրամի ներդրումային ֆոնդի փայաբաժին է ձեռք բերել:

Ուսումնասիրելով այս պաշտոնյայի հայտարարագրերը՝ կարելի է ենթադրել, որ նա բնավ էլ աշխատավարձով ապրող պաշտոնյաներից չէ: Ունի միլիոնավոր դրամների եկամուտ և շրջանառության մեջ դրված գումարներ: Մասնավորապես՝ փոխառությունների և վարձակալությունների դիմաց ստացված եկամուտներ:

Նախագահի օգնականն ու նրա ընտանիքի անդամներն անտարբեր չեն թանկարժեք մեքենաների նկատմամբ: Իր պաշտոնավարման առաջին 6 տարիներին նա գնել և վաճառել է 5 ավտոմեքենա: Մեքենաներ է փոխել նաև կինը:

2017թ. հայտարարագիրը դեռ չի ներկայացրել, ուստի վերջին տարվա տեղեկությունները դեռ չեն թարմացվել: 

Արզնին առողջարանային գյուղ է և հայտնի է իր հանքային ջրերով: Այն գտնվում է Կոտայքի մարզում՝ Երևանից 23 կմ դեպի հյուսիս: Գյուղը հիմնվել է 19-րդ դարում՝ Պարսկաստանից Արևելյան Հայաստան տեղափոխված ասորիների կողմից։ Բնակչությունը կազմում է շուրջ 2,500 մարդ, հիմնականում՝ ասորի։

Նախագահի օգնականի մոր մասնակցությամբ ընկերությունը մտադիր է Արզնիի վարչական տարածքում 3 բաղադրիչներից բաղկացած կառույց հիմնել՝ գործարան, ռեստորան և սրճարան, նաև` կառուցել 2 բաց ավտոկայանատեղի: Ընկերությունը նախատեսում է այս ամենն ավարտին հասցնել 9 օրացուցային ամսվա ընթացքում: Համաձայն ներկայացրած նախագծի՝ գարեջրի գործարանի արտադրողականությունը կազմելու է տարեկան 50 000 դալ (500 հազար լիտր):


Գլխավոր էջ



Մեկնաբանություններ (4)
1. ani03:48 - 16 հունվարի, 2018
a simple presidential adviser (part-time Job ?) brings 2 Million Dollars wages a year ??? in the POOR Armenian Country ?? in the rich Switzerland , our Ministers earn 450 000 Dollars only !! Corruption salutes again ! they really don't fear GOD at all !! " The FEAR of GOD is the beginning of wisdom " Prov. 1,7..(Bible)
2. Peter10:42 - 16 հունվարի, 2018
These criminals rob the country and probably do not understand it themselves. To use a Lexus shows bad, vulgarian taste. A ridiculous man. When he is gone, no-one will miss him.
3. արտաշես միքայելյան08:18 - 22 հունվարի, 2018
հակասւմ էՀՀ Սահմանադրւթյան 65 ևս երեք հոդվածներին: Ձւկը գլխից է հոտւմ: ՀՀ պետական կառավարման սկզբւնք է հանդիսանւմ հակասահմանադրական կոռւպցիան իշխանւթյան երեք ճյւղերւմ: Բնակչւթյան մեծ մասը կւրորեն ընտրւմ է իրեն աղքատացնող պաշտոնյաներ: Զարթնիր լաո մռնիմ քզի:
4. Արտաշես Միքայելյան08:28 - 22 հունվարի, 2018
Հարգելի Խմբագրւթյւն! Շնորհավորւմ եմ Ձեր հրապարակած նյւթը մեկնաբանելւ համար: ՀՀ սոցիալ-տնտեսական զարգացման ռազմավարւթյւնը գրքի հեղինակ, Մոսկվայի Էկոնոմիկայի ինստիտւտի պրոֆեսոր
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ