Կառավարության նախորդ նիստին ընդունվեց որոշում, ըստ որի՝ ապրիլի 1-ից կարգելվի աջակողմյան ղեկային տեղաբաշխմամբ ավտոմեքենանների ներմուծումն ու շահագործումը։

Այսօրվա նիստին ընդունվեց որոշում, ըստ որի՝ ժամանակավոր կարգելվի աջակողմյան ղեկային տեղաբաշխմամբ մեքենաների ներմուծումը՝ ԵՏՄ օրենսդրությանը համապատասխանեցվելու համար։ Նախագիծը ներկայացրեց Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը։

«Այս տարվա ապրիլի 1-ից արգելվել է աջակողմյան ղեկային տեղաբաշխմամբ տրանսպորտային միջոցների շահագործումը և հաշվառումը։ Խնդրին ամբողջական լուծում տալու համար առաջարկվում է ժամանակավոր՝ այս տարվա ապրիլի մեկից մինչև հոկտեմբերի մեկը, արգելել աջակողմյան ղեկային տեղաբաշխմամբ տրանսպորտային միջոցների ներմուծումը Հայաստանի տարածք՝  Մաքսային Միության հանձնաժողովի 2011 թվականի դեկտեմբերի 9-ի «Տրանսպորտային միջոցների անվտանգության մասին տեխնիկական կանոնակարգը հաստատելու մասին» թիվ 877 որոշման մեջ լրացում կատարելու և այդ ցանկում Հայաստանն ընդգրելու համար»,- ասաց նախարարը։

Հիշեցնենք, որ համաձայն ընդունված որոշման՝ մինչ այս տարվա ապրիլի 1-ը ներմուծված աջակողմյան ղեկային տեղաբաշխմամբ ամվտոմեքենաների շահագործման վրա որևէ արգելք չի կարող լինել։