Տեսանյութեր
Լուսանկարներ
Արտերկրում սովորող մինչև 19 տարեկան տղաները տարկետման իրավունք կստանան
Կառավարության հերթական՝ հունվարի 25-ի նիստին Կրթության և գիտության նախարար Լևոն Մկրտչյանը ներկայացրեց «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին հարցը։
Նախարարի խոսքով՝ փոփոխությունն առաջարկել է Ազգային ժողովի ՀՀԿ-ական պատգամավոր Միհրան Պողոսյանը:
«Խնդիրը նրանում է, որ մինչև 19 տարին չլրացած երիտասարդներն ունեն տարկետման իրավունք: Եվ հաճախ ՀՀ ապագա քաղաքացիները բացակայում են երկրից ու ուսանում են արտերկրի ուսումնական հաստատություններում»,- ասաց Մկրտչյանը՝ հավելելով, որ պատգամավորն առաջարկում է այս իրավունքը տարածել նաև վերջիններիս վրա:
«Առաջարկն ընդունելի է»,- ասաց Մկրտչյանը:
«Համարենք ընդունված»,- արձագանքեց փոխվարչապետ Վաչե Գաբրիելյանը:
Հիշեցնենք, որ «Հետք»-ն արդեն գրել է գիտության, կրթության, սպորտի և մշակույթի ոլորտներում նշանակալի հաջողություններ ունեցող երիտասարդներին տարկետման իրավունք տրամադրելու չափորոշիչների մասին։
Մեկնաբանել