Կիրակի, 23 սեպտեմբերի

Արշավն ավարտվել է դժբախտ պատահարով



Այսօր ժամը 16:10-ին ԱԻՆ-ը ահազանգ է ստացել, որ Արայի լեռան վրա` Վառվառակույս եկեղեցու մոտ, ձնաբքի պատճառով արշավի մասնակիցներից մեկը մահացել է, մյուս քաղաքացին` կոտրվածքներ ստացել։

«Հետք»-ի հետ զրույցում Գևորգ Գասպարյանը պատմեց, որ արշավի մասնակից ընկերներից մեկից իմացել է անկանխատեսելի ձնահոսքի և արշավի մասնակիցներից մեկի կորչելու մասին։ Մի քանի ընկերներով Երեւանից օգնության են գնացել Արայի լեռ։ Լեռ են հասել 18։00-ի սահմաններում, երբ արդեն փրկարարներն ու արշավի մասնակիցները պատգարակով իջեցնելիս են եղել կոտրվածք ստացած արշավական Էդգար Նավասարդյանին։ Վերջինս նաև արշավի համակարգողն է։ Գևորգի փոխանցմամբ` կոտրվել է Էդգարի ոտքը, տեղյակ չէ` այլ տուժածներ կան, թե ոչ։

Արտակարգ իրավիճակների նախարարության հաղորդմամբ արշավականները հայտնել են, որ մահացել է արշավի կին մասնակիցներից մեկը։ Նրա անուն,ազգանունը դեռևս չի հաղորդվում։

Արշավի մասին «Ֆեյսբուք» սոցիալական ցանցում տարածված հաղորդագրությունից պարզ է դառնում, որ արշավախումբն արշավը սկսելու էր Զորավան գյուղի մոտակայքից, հետադարձը նախատեսվում էր Ծաղկավանքի կողմից։

2015 թվականից «ԱՍ» արշավախումբը հունվարի 28-ին զինված ուժերի կազմավորման օրվան նվիրված արշավ է կազմակերպել դեպի Արայի լեռ։ Այս տարվա արշավը, ցավոք, ավարտվեց դժբախտ պատահարով։

լուսանկարը՝ Անի Խաչատրյանի


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ