HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սամվել Կարապետյանը նավթ ու գազ կորոնի նաև երևանամերձ տարածքներում

«Տաշիր Գրուպ» ձեռնարկության սեփականատեր, գործարար Սամվել Կարապետյանը մտադիր է Հայաստանի Հանրապետության 2-րդ պայմանական բլոկում ևս նավթ և գազ որոնել:

2-րդ պայմանական տարածքը ներառում է հանրապետության կենտրոնական հատվածը՝ Երևան քաղաքը, Արմավիրի, Արագածոտնի մարզերն ամբողջությամբ, Արարատի, Կոտայքի և Շիրակի մարզերի տարածքները մասնակի: Ընդհանուր մակերեսը կազմում է շուրջ 7250 կմ2: Հայցվող տարածքի մի հատվածը եզրագծվում է հայ-թուրքական սահմանով:  

Կարապետյանների «Հայկական նավթի և գազի ընկերություն» ՍՊԸ-ն, հիշեցնենք, երկրաբանաորոնողական աշխատանքներ իրականացնելու հայտ էր ներկայացրել 1-ին և 3-րդ ենթաբլոկների համար, այժմ նաև՝ 2-րդ բլոկի համար: Աշխատանքներն իրականացվելու են 2018-2023թթ.: 

Առաջին փուլի աշխատանքները՝ երկրաֆիզիկական մեթոդներով տեղանքի ուսումնասիրությունները, կատարվելու են Արմավիրի մարզի Տալվորիկ, Հուշակերտ, Նոր Ամասիա, Նոր Արմավիր, Նոր Կեսարիա և Նալբանդյան, Արագածոտնի մարզի Օրգով, Բյուրական և Տեղեր, Կոտայքի մարզի Եղվարդ համայնքների տարածքներում:

Նպատակն է գնահատել նավթագազաբերության հեռանկարները, ինչպես դրանց առկայությունը, այնպես էլ դրանց բաշխումը` ըստ խորության: 

Մեկնաբանություններ (1)

Նելսոն
Երբ որ մետաղային հանքավայրեր ենք որոնում համազգային ոռնոց է սկսվում ,բա հիմա ծպտուն չկա

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter