Երեքշաբթի, 18 սեպտեմբերի

Պետական իշխանության մարմինների սպասարկումն ապահովող օպերատորների թիվը կավելանա



Կառավարության նիստում փոփոխություն կատարվեց «Պետական իշխանության մարմինների սպասարկման գրասենյակների» մասին օրենքում՝ ընդլայնելով սպասարկման գրասենյակների ցանցը։ Նախագիծը ներկայացրեց Արդարադատության նախարար Դավիթ Հարությունյանը։

«Այս պահին յոթ օպերատոր է գործում՝ 89 գրասենյակ, և մենք մատուցում ենք 67 ծառայություն այդ գրասենյակների միջոցով, միաժամանակ կարծում եմ՝ կարևոր է իմանալ, որ ծառայություններից մոտ տասն առավել պահանջարկված են և կազմում են 95%-ը»,- ասաց Հարությունյանը։ Նախարարի խոսքով՝ գրասենյակների ընդլայնումը Կառավարության համար առաջնահերթ խնդիր է

«Դրա համար առաջակում ենք ավելացնել ևս երկու օպերատոր՝ Անշարժ գույքի կադաստրը և «Մոբի դրամը», Անշարժ գույքի կադաստրն ունի 38 գրասենյակ և պատկերացրեք, որ եղած գրասենյակը 89 ընդլայնում ենք, մեր քաղաքացիների համար ավելի հասանելի ենք դարձնում ծառայությունը։ «Մոբի դրամն» ունի 26 գրասենյակ, այսինքն մենք միանգամից 64 գրասենյակով ավելացնում ենք առկա 89-ը»,- ասաց նա։

Վարչապետը հետաքրքրվեց՝ Կառավարությունը կարո՞ղ է ֆիքսել, որ այդ հարթակները «սկսել են աշխատել», և ինչքանով է քաղաքացին տեղեկացված այդ ամենից։

«Պարոն վարչապետ, անընդհատ մենք պատվիրում ենք սոցիալական գովազդները, այն, որ թիվն աճում է, խոսում է այն մասին, որ մարդիկ տեղեկացված են»,- ասաց Հարությունյանը։ Վարչապետն առաջարկեց Տարածքային կառավարման և զարգացման նախարար Դավիթ Լոքյանին տեղեկացնել մարզպետներին ծառայության մասին, որպեսզի քաղաքացիների համար ավելի արդյունավետ լինի համակարգից օգտվելը։

 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ