Երեքշաբթի, 25 սեպտեմբերի

ՊԵԿ-ի քննչական վարչության պետն օգտակար հանածոներ կորոնի. նախարարությունը դրական եզրակացություն է տրվել



Պետեկամուտների կոմիտեի քննչական վարչության պետ Մարատ Դուրյանի ընկերության` Սոֆլու-Լեռնաշեն բազմամետաղների հանքային դաշտում օգտակար հանածոներ ուսումնասիրելու նախագծին Բնապահպանության նախարարությունը դրական եզրակացություն է տվել:

Արդարադատության փոխգնդապետին 90 տոկոս բաժնեմասով պատկանող «Պրեմիում Մայնինգ» ՍՊԸ-ն մտադիր է 2017-2020թթ. որոնողագնահատողական աշխատանքներ իրականացնել նշված տարածքում: Սոֆլու-Լեռնաշեն բազմամետաղների հանքային դաշտը գտնվում է Սյունիքի մարզի Սիսիանի ենթաշրջանում՝ Բարգուշատի լեռնաշղթայի հյուսիսային լեռնաբազուկների սահմաններում: Տեղակայված է Արևիս գյուղից շուրջ 3.5 կմ դեպի արևելք, Լեռնաշեն գյուղից 1.8 կմ դեպի արևմուտք:

«Ուսումնասիրության ընթացքում ազդեցությունները լինելու են ժամանակավոր, տեղային, թույլատրելի նորմերի սահմաններում: Նախատեսված են մի շարք բնապահպանական միջոցառումներ, որոնք կնվազեցնեն գործունեության ազդեցությունը շրջակա միջավայրի բաղադրիչների վրա»,- եզրահանգել է ԲՆ փորձագետ Զ. Զուռնաչյանը:


Գլխավոր էջ



Մեկնաբանություններ (1)
1. թոշակառու Շմավոն Պողոսյան16:03 - 17 փետրվարի, 2018
Հլա հաշվեք թե քանի բզմսմեն պաշտոնյա է տնգվել հանքերի գորձի վրա վրա: Այվազյան Վարթանից ըսկսած, վարչապետ Հովոն, մի քյավառացի պատգամավոր էլ կար, Արզաքյանցի նման էր անունը: Վերջերս թեղուտի մենձ հանքն էլ լռվեց պարտքի տակ ճկռած: Նշանավոր լիսկոն էր հանք հանում, մի հանքագործ կնիկն էլ կար, ում ինքը ծեծեց, սարքը թռցրել էր, նա էլ ետ էր ուզում, ոնց որ Սիլվա էր անունը: Վերջը, շատ են: Ինչ կա որ, թող էդ ջահել փոխգեներալն էլ բախտը փորցի: Մենակ ափսոս ա որ սարերը քանդում են ու անմեղ անասուններին արոտից քցում: Էտ Զուռնաչի կնիկն էլ իմացածդ անտեղակն է հանք ու մանքի գծով, ինքը դրանից զադ չի հասկանում, բայց թե ում բարեգամն է որ ընտեղ նստացրել են, որ թուղտ ստորագրի, տեղակ չեմ:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ