HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Կառավարությունը մինչ 360 միլիոն դրամ սուբսիդիա կտրամադրի դիզվառելիքի գնման համար

Կառավարությունն այսօրվա նիստին որոշեց գյուղատնտեսության նախարարությանը 360 միլիոն դրամ հատկացնել՝ մինչև 6 միլիոն լիտր դիզելային վառելիք գնելու համար: Գումարը կհատկացվի կառավարության պահուստային ֆոնդից: Որպես սուբսիդիա՝ մատակարարին կտրամադրվի մինչև 360 միլիոն դրամ՝ 1 լիտր դիզվառելիքի համար մինչև 60 դրամ:

Ինչպես նշված է կառավարություն ներկայացված որոշման նախագծում՝ մարզպետարաններից ստացված տեղեկատվությամբ 2018 թվականի գյուղատնտեսական աշխատանքների համար դիզելային վառելիքի պահանջարկը կազմում է մինչև 6 միլիոն լիտր:

Գյուղատնտեսության նախարարության որոշմամբ՝ սուբսիդավորման համար հատկացված գումարը կտրամադրի նախարարության կողմից իրականացրած մրցույթի արդյունքում հաղթող ճանաչված ընկերություններին՝ դիզվառելիքի մատակարարումները կազմակերպելու նպատակով:

Ձեռք բերված դիզվառելիքը հատկացվելու է մարզերի հողօգտագործողներին, գյուղատնտեսական կոոպերատիվներին, գյուղատնտեսության նախարարության կազմակերպություններին ու կրթության և գիտության նախարարության «Հայաստանի ազգային ագրարային համալսարան» հիմնադրամի գիտական կենտրոններին` շուկայականից ավելի մատչելի գներով վաճառելու համար:  

Նախարարության հաղորդմամբ՝ դիզվառելիքը հատկացվում է՝ գյուղատնտեսական աշխատանքների իրականացման գործում հողօգտագործողներին աջակցություն ցուցաբերելու, գյուղատնտեսությամբ զբաղվող անձանց եկամուտները բարձրացնելու և գյուղատնտեսությամբ զբաղվելը շահավետ դարձնելու նպատակով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter