HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

«Պոլիմետալ Արմենիան»-ն մտադիր է Լոռու և Տավուշի մարզերում երկրաբանահետախուզական աշխատանքներ իրականացնել

«Պոլիմետալ Արմենիա» ՍՊԸ-ն տեղեկացնում է, որ ընկերությանը պատկանող «Նորթ Էքսփլորեյշն Քոմփանի» ՍՊԸ-ն (կրճատ՝ «ՆԷՔո» ՍՊԸ, այսուհետ՝ Ընկերություն) մտադիր է 2018-2021թթ. ընթացքում Լոռու և Տավուշի մարզերում իրականացնել երկրաբանահետախուզական աշխատանքներ։ Աշխատանքների նպատակը տարածաշրջանի հանքահումքային ներուժի և տարածաշրջանում լեռնահանքային ոլորտի զարգացման հեռանկարների վերհանումն է:

Ըստ ընկերության մամուլի հաղորդագրության՝ երկրաբանահետախուզական աշխատանքներին ձեռնամուխ լինելուց առաջ ՀՀ օրենսդրությամբ սահմանված կարգով կիրականացվեն շրջակա միջավայրի վրա ազդեցության նախնական գնահատում և փորձաքննություն, որոնց շրջանակներում կապահովվի աշխատանքների և փորձաքննության գործընթացի վերաբերյալ հանրային ծանուցում, կհրապարակվեն աշխատանքների վերաբերյալ փաստաթղթերը և կկազմակերպվի հանրային քննարկում։ Ընկերությունը հայտարարում է, որ ապահովելու է իր գործունեության պատշաճ տեղեկատվական թափանցիկություն և աշխատանքների նկատմամբ հանրային վերահսկողության հնարավորություն: Աշխատանքներն իրականացվելու են ինչպես ՀՀ օրենսդրությամբ սահմանված, այնպես էլ ոլորտի նկատմամբ կիրառելի առաջադեմ միջազգային պահանջներին ու չափորոշիչներին համապատասխան՝ շրջակա բնական, սոցիալ-տնտեսական և պատմամշակութային միջավայրի վրա անցանկալի ազդեցությունները նվազագույնի հասցնելու նպատակով:

«Պոլիմետալը» ոսկի և արծաթ արդյունահանող առաջատար ընկերություններից է Ռուսաստանում, Ղազախստանում և Հայաստանում: Հիմնադրվել է 1998թ.: Ունի երկրաբա­նահետա­խու­զա­կան աշխա­տանք­նե­րի, լեռնահանքային խոշոր ձեռնարկությունների նախագծման, կառուցման և շահագործման հանձնե­լու շուրջ 20 տարվա փորձ:

«Պոլիմետալը» սկսել է Հայաստանում գործունեությունը 2015թ.՝ ձեռք բե­րելով Լիճքվազ-Թեյի ոսկու հանքավայրի նկատմամբ ընդերքօգտագործման իրավունք ունեցող «Լիճքվազ» ՓԲԸ-ի բաժնետոսմերը, իսկ 2016թ. ապրիլին՝ Կապանի լեռնահարստացման կոմբինատը:

2017թ. կտրվածքով Կապան և Մեղրի համայնքների հետ կնքված սոցիալ-տնտեսական հա­մագործակցության համաձայնագրերի շրջանակներում «Պոլիմետալի» սոցիալական ներդրումները Սյունիքի մարզում կազմել են ավելի քան 140 մլն դրամ: 2017 թ. ընթացքում ՀՀ-ում «Պոլիմետալի» իրականացրած սոցիալական ներդրումների ընդհանուր ծավալը կազմել է շուրջ 400 մլն ՀՀ դրամ:

2017թ. արդյունքներով «Պոլիմետալի» հայաստանյան ընկերությունների ՀՀ պետական բյուջե հարկային և այլ պարտադիր վճարումները կազմել են մոտ 6.5 մլրդ դրամ:

«Պոլիմետալի» բնապահպանական կառավարման համակարգը հավաստագրված է Bureau Veritas Certification-ի անկախ աուդիտորների կողմից՝ ISO 14001-2004 միջազգային չափորոշիչին համա­պատաս­խան։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter