Երկուշաբթի, 24 սեպտեմբերի

Գևորգ Կոստանյանն ընտրվեց Պետական-իրավական և մարդու իրավունքների պաշտպանության հարցերի հանձնաժողովի նախագահ



ԱԺ Հաշվիչ ժամանակավոր հանձնաժողովի նախագահ Գագիկ Մելիքյանը ներկայացրեց պատգամավորների փակ-գաղտնի քվեարկության արդյունքները։ Պետական-իրավական և մարդու իրավունքների պաշտպանության հարցերի մշտական հանձնաժողովի նախագահի միակ թեկնածուն ՀՀԿ-ական պատգամավոր Գևորգ Կոստանյանն էր։ Մելիքյանի խոսքով՝ ԱԺ 105 պատգամավորներից քվեարկությանը մասնակցել է 93-ը, որից 63-ը կողմ է քվեարկել, 30-ը՝ դեմ։ 

Գևորգ Կոստանյանը շնորհակալության հայտնեց խորհրդարանին` քվեարկության համար, ընդ որում՝ թե՛ կողմ, թե՛ դեմ քվեարկածներին։ «Ես հարգում եմ սկզբունքայնությունը և ես ինքս շատ հետևողական, սկզբունքային մարդ եմ, շնորհակալ եմ»,- ասաց նա։

Հիշեցնենք, որ Պետական-իրավական և մարդու իրավունքների պաշտպանության հարցերի մշտական հանձնաժողովի նախագահի պաշտոնը թափուր էր մնացել Հրայր Թովմասյանի հրաժարականի պատճառով․ վերջինս ՍԴ անդամի թափուր պաշտոնում է առաջադրվել։ Այդ ընտրությունը ևս փետրվարի 27-ին գումարված նիստերի օրակարգում է։


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ