Սարո Բաղդասարյան

Առավոտյան «Երկիր Ծիրանի» կուսակցության անդամներն ու նրանց աջակիցներն ազգային անվտանգության ծառայության շենքի հարակից տարածքից «ընդդեմ բռնաճնշումների» բողոքի ակցիա սկսեցին։ Ապա երթով շարժվեցին դեպի դատախազության շենք։ Կուսակցության նախագահ Զարուհի Փոստանջյանը հավաքվածներին կոչ արեց մարտ-ապրիլ ամիսներին Հայաստանի ողջ տարածքով «հրդեհի օջախներ» ստեղծել։ 

Երթի մասնակիցները շարժվեցին նաև Ալեքսանդր Մյասնիկյանի արձանի մոտ՝ հարգանքի տուրք մատուցելու 2008 թվականի մարտի 1-ի 10 զոհերի հիշատակին և այնտեղ ծաղիկներ դրեցին։ Երթը շարունակվեց դեպի Լեոյի փողոց, որտեղ ավագանու անդամներն ու քաղաքացիները ծաղիկներ դրեցին փողոցի մայթեզրին, որտեղ բախումներն են տեղի ունեցել մարտի 1-ի ցույցի մասնակիցների և ոստիկանների միջև։