Չորեքշաբթի, 19 սեպտեմբերի

Դավիթ Հարությունյանը՝ անհայտ նվիրատուի մասին․ «Սեփական աշխատակիցներին նվեր տալու կոռուպցիոն ռիսկը որտե՞ղ է»



Արդարադատության նախարար Դավիթ Հարությունյանը կոռուպցիոն ռսիկ չի համարում այն, որ Ամանորի նախաշեմին ԱՆ-ի աշխատակիցներն ավելի քան 2,5 միլիոն դրամի երշիկ ու օղի են նվեր ստացել անհատ անձանցից։ Հիշեցնենք, որ ըստ «Հետք»-ի հրապարակման՝ նախարարությունը պարզաբանել էր, որ նվերների համար պետական բյուջեից գումար չի ծախսվել, սակայն թե ով է նվիրատուն, այդպես էլ չեն հայտնել։

«Սեփական աշխատակիցներին նվեր տալու կոռուպցիոն ռիսկը որտե՞ղ է»,- «Հետք»-ի հարցին ի պատասխան՝ արձագանքեց Դավիթ Հարությունյանը։

Մեր դիտարկմանը, որ այդպես էլ հայտնի չէ, թե ումից է հանրային աշխատողը նվեր ստացել, Հարությունյանն արձագանքեց․

«Նվերը տվել եմ ես, այսինքն՝ հանձնել եմ ես, իսկ այն եղել է անհատ անձանցից, և այստեղ որևէ կոռուպցիոն ռիսկ չեմ տեսնում»։ Ստացվում է՝ նորմա՞լ է, որ նախարարության աշխատակիցները կարող են ավելի քան 2 միլիոնի նվեր ստանալ անհայտ անձանցից, Հարությունյանն արձագանքեց․

«Քանի՞ հոգի են, հաշվե՞լ եք, հենց որ հաշվեք՝ կտեսնեք, որ խոսքը վերաբերում է աննշան մի նվերի, որն ուշադրություն է արտահայտում աշխատակիցների նկատմամբ»։

Հարությունյանը հրաժարվեց հարցին պատասխանելուց , թե ովքեր են անհատ անձինք, որոնք էլ «ուշադրություն են դրսևորել» ԱՆ աշխատակիցների նկատմամբ։

Կարդացեք նաև՝

Երշիկ և օղի արդարադատության նախարարությանը՝ «անհայտ» նվիրատուներից


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ