Կառավարությունն այսօրվա նիստին որոշեց «ԱՅ ՊԼԱՍՏ», «ՍԱԹԵՆԿԱՐ», «ՇԵՆԳԱՎԻԹ» Բժշկական կենտրոն ընկերություններին արտոնություններ տրամադրել։ Այս ընկերությունների կողմից Հայաստան ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը կազատվեն ներմուծման մաքսատուրքից։

«ՇԵՆԳԱՎԻԹ» բժշկական կենտրոնի կողմից ներմուծվող ապրանքներն օգտագործվելու են առողջապահության ոլորտում։ «ԱՅ ՊԼԱՍՏ»-ը ներմուծած սարքավորումները օգտագործելու է դեղագործության ոլորտում, իսկ «ՍԱԹԵՆԿԱՐ» ընկերությունը ներմուծելու է սարքավորումներ՝ թեթև արդյունաբերության մեջ օգտագործելու նպատակով։