HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Երևան-Տվեր ուղղությամբ մեկնող ավտոբուսը վթարվել է. մահացել են ավտոբուսի ուղևորն ու բեռնատարի վարորդը (ուղղված)

Առավոտյան՝ 09:00-ի սահմաններում, Ռուսաստանի Դաշնության Վորոնեժի մարզի Պավլովսկի շրջանի մոտակայքում իրար են բախվել Երևան-Տվեր երթուղին սպասարկող «Mercedes» մակնիշի ավտոբուսն ու բեռնատարը:

Արտակարգ իրավիճակների նախարարության տեղեկատվության և հասարակայնության հետ կապերի վարչության պատասխանատու Նանա Գնդոյանը «Հետք»-ին հայտնեց, որ վթարի հետևանքով վարորդները մահացել են: Նախնական տվյալներով՝ ավտոբուսի վարորդը ազգությամբ հայ է եղել: Վթարից տուժել է ինը ուղևոր, իսկ չտուժած ուղևորները տեղավորվել են Պավլովսկի շրջանի «Как дома» հյուրանոցում:

Դեպքի վայրում աշխատում է Ռուսաստանի Դաշնությունում արտակարգ իրավիճակների նախարարության հայաստանյան ներկայացուցիչը:

Տրանսպորտի, կապի և տեղեկատվական տեխնոլոգիաների նախարարի մամուլի քարտուղար Անահիտ Առաքելյանի փոխանցմամբ՝ վթարված ավտոբուսը կանոնավոր ուղևորափոխադրում է իրականացնում Երևան-Տվեր ուղղությամբ: Երթուղին սպասարկում է  «Ման Տուր» ընկերությունը:

Նախարարության փոխանցմամբ՝ ավտոբուսում եղել են 48 ուղևոր, իսկ 2 վարորդները (տես ուղղումը) մահացել են: Այս պահին ճշտվում են վթարի մանրամասները։

ուղղում- ԱԻՆ-ից՝ Հետք-ին փոխանցած նախնական տեղեկությամբ՝ վթարի հետևանքով մահացել էին երկու վարորդները, սակայն նախարարությունը քիչ առաջ հաղորդագրություն է տարածել, համաձայն որի՝ վթարի հետևանքով մահացել են ավտոբուսի ուղևորն ու բեռնատարի վարորդը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter