HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

«Ամեն ինչ կանեմ, որ մեր ազգը լինի ազատ և երջանիկ»․ նախկին ՀՀԿ-ական Հրայր Թովմասյանն ընտրվեց ՍԴ նախագահ

64 կողմ, 27 դեմ ձայների հարաբերակցությամբ Հրայր Թովմասյանն ընտրվեց Սահմանադրական դատարանի նախագահ։ ԱԺ Հաշվիչ ժամանակավոր հանձնաժողովի նախագահ Գագիկ Մելիքյանը ներկայացրեց քվեարկության արդյունքներըԱԺ 105 պատգամավորներից քվեարկությանը մասնակցել է 94-ը, անվավեր է ճանաչվել երկու քվեաթերթիկ։

Հրայր Թովմասյանը ՍԴ անդամ է ընտրվել մարտի երկուսին՝ խորհրդարանում անցկացված փակ-գաղտնի քվեարկությամբքվեարկությանը մասնակցել էր 93 պատգամավոր, որից կողմ էին քվեարկել 64-ը, դեմ՝ 27-ը, երկու քվեաթերթիկ անվավեր էր ճանաչվել։

Հրայր Թովմասյանը շնորհակալություն հայտնեց խորհրդարանին վստահության համար, ապա Շահամիր Շահամիրյանի «Որոգայթ փառաց» ստեղծագործությունից մեջբերում կատարեց

«Այն ժամանակ, երբ ազգն ապրել է արդարությամբ ու օրինականությամբ, կարգ ու կանոնով, եղել է ազատ ու երջանիկ»,- ապա շարունակեց,- ես վստահեցնում եմ, որ ամեն ինչ կանեմ, որ մեր ազգը լինի ազատ և երջանիկ։

ՀՀԿ անդամ Հրայր Թովմասյանը կուսակցությանն անդամակցությունը դադարեցնելու դիմում էր ներկայացել մինչ ՍԴ անդամի քվեարկությունը՝ փետրվարի 22-ին։

Թովմասյանը 2010 թվականից զբաղեցրել է բարձր պաշտոններնախ նշանակվել է Արդարադատության նախարար, ապա սահմանադրական բարեփոխումների մասնագիտական հանձնաժողովի անդամ, ԱԺ աշխատակազմի ղեկավար-գլխավոր քարտուղար, ԱԺ Պետական-իրավական և մարդու իրավունքների պաշտպանության մշտական հարցերի հանձնաժողովի նախագահ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter