Երեքշաբթի, 25 սեպտեմբերի

Այս տարի «Էրեբունի-Երևանը» կնշվի սեպտեմբերի 29-ին և 30-ին



Կառավարության նիստում ընդունվեց որոշում, ըստ որի՝ այս տարվա սեպտեմբերի 29-ին և 30-ին կնշվեն Երևանի օրը և Երևանի հիմնադրման 2800-ամյակին նվիրված «Էրեբունի-Երևան» տոնական միջոցառումները:

Նախագիծը ներկայացրեց Երևանի քաղաքապետ Տարոն Մարգարյանը՝ ասելով, որ սովորաբար Երևանի օրը նշվում է հոկտեմբերի երկրորդ շաբաթ օրը, սակայն այս տարվա նոյեմբերին Երևանում կայանալու է Ֆրանկոֆոն պետությունների և կառավարությունների ղեկավարների 17-րդ գագաթնաժողովը, որի նախապատրաստման համար մշակվում է միջոցառումների մանրամասն ծրագիր:

Մարգարյանի խոսքով՝ հաշվի առնելով, որ այս տարի մեծ շուքով է նշվելու Երևանի հիմնադրման հոբելյանական 2800-ամյակը, որին կմասնակցեն բազմաթիվ հյուրեր այլ երկրներից, առաջարկվում է Երևանի օրվան նվիրված միջոցառումներն իրականացնել ոչ թե մեկ օր, այլ երկու օր:

Նախագծի որոշման մեջ նշված է նաև, որ նշված միջոցառումները պատշաճ կարգով կազմակերպելու նպատակով առաջարկվում է Մշակույթի նախարարին տոնական միջոցառումների ծրագրին համապատասխան աջակցել մշակութային միջոցառումների իրականացմանը, Էներգետիկ ենթակառուցվածքների և բնական պաշարների նախարարին՝ ապահովել էլեկտրաէներգիայի անխափան մատակարարումը միջոցառումների անցկացման վայրերում, Արտակարգ իրավիճակների նախարարին և Ոստիկանության պետին՝ միջոցառումների ընթացքում ապահովել դրանց անցկացման անվտանգությունն ու հասարակական կարգի պահպանությունը։


Գլխավոր էջ



Մեկնաբանություններ (3)
1. Sonia R Chakmakian18:58 - 30 հուլիսի, 2018
Where could I find the celebration schedule?
2. Hetq20:39 - 30 հուլիսի, 2018
Maybe the Yerevan Municipality website-----http://www.yerevan.am/index.php?page=index
3. Pepik09:29 - 1 սեպտեմբերի, 2018
I have heard the 2800 year celebration has been cancelled is this false news or not? Thank you
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ