HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Վարչապետը երկու նստավայր կունենա՝ Բաղրամյան 26-ում և Կառավարությունում

Հաջորդ վարչապետն ունենալու է երկու նստավայր՝ Կառավարության ներկայիս շենքը և գործող նախագահական նստավայրը՝ Բաղրամյանի 26 հասցեում տեղակայված շենքը։

Այս մասին կառավարության նիստից հետո լրագրողներին ասաց Արդարադատության նախարար Դավիթ Հարությունյանը:

«Վարչապետը Կառավարությունում ևս ունենալու է նստավայր, որովհետև կառավարության անդամների հետ թերևս առավել արդյունավետ աշխատանք կարող է իրականացվել այստեղ», - ասաց նախարարը։

Հարությունյանի խոսքով՝ կարիք կա նաև մեկ այլ նստավայրի

«Նոր Սահմանադրությամբ վարչապետի հնարավորություններն այն աստիճանի են ընդլայնված, որ գործող նախագահի լիազորությունների զգալի մասն իրականացվելու է վարչապետի կողմից ու զուտ կառուցվածքային ու ենթակառուցվածքային առումով նախագահի նստավայրի շենքը հարմարեցված է մի շարք լիազորությունների պատշաճ իրականացման համար», - ասաց Հարությունյանը՝ կոչ անելով չզարմանալ:

Հիշեցնենք, որ ավելի վաղ «Հետք»-ի հետ զրույցում նախարար Հարությունյանն ասել էր, որ Կառավարությունում հավատարմագրված լրագրողների հավատարմագրերը կարող են գործել նաև դռնփակ նիստերի դեպքում։ Նիստը լինելու է փակ, սակայն օրակարգը տեղադրվելու է, իսկ նիստի ավարտին նախարարները ճեպազրույցներով են հանդես գալու։

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter