Չորեքշաբթի, 26 սեպտեմբերի

Արմեն Սարգսյանն ընդունել է վարչապետ Կարեն Կարապետյանի հրաժարականը



Ղեկավարվելով ՀՀ Սահմանադրության 212 հոդվածով՝ վարչապետ Կարեն Կարապետյանը ՀՀ նախագահ Արմեն Սարգսյանին է ներկայացրել կառավարության հրաժարականի դիմումը: Հանրապետության նախագահն ընդունել է հրաժարականի դիմումը։ Այս մասին տեղեկանում ենք նախագահի պաշտոնական կայքից։

«Կառավարության անդամները կշարունակեն իրենց պարտականությունների կատարումը մինչև նոր կառավարության կազմավորումը:

Առանձնազրույցից հետո նախագահ Արմեն Սարգսյանը և վարչապետի պաշտոնակատար Կարեն Կարապետյանը հանդիպում են ունեցել ԶԼՄ ներկայացուցիչների հետ, ամփոփել հանդիպման արդյունքները և պատասխանել լրագրողներին հետաքրքրող հարցերին»,- ասված է հաղորդագրության տեքստում։

Կարեն Կարապետյանը վարչապետ էր նշանակվել 2016 թվականի սեպտեմբերի 13-ին։ Ըստ Սահմանադրության՝ Կառավարության հրաժարականն ընդունվելուց հետո` յոթնօրյա ժամկետում, Ազգային ժողովի խմբակցություններն իրավունք ունեն առաջադրելու վարչապետի թեկնածուներ: Ազգային ժողովը վարչապետին ընտրում է պատգամավորների ընդհանուր թվի ձայների մեծամասնությամբ: Վարչապետի ընտրությունն անցկացվում է անվանական քվեարկությամբ:

Կառավարությունը կազմավորվում է վարչապետ նշանակվելուց հետո՝ տասնհինգօրյա ժամկետում: Իր նշանակումից հետո վարչապետը հնգօրյա ժամկետում Հանրապետության նախագահին առաջարկում է փոխվարչապետների և նախարարների թեկնածուներին: Հանրապետության նախագահը եռօրյա ժամկետում կամ նշանակում է փոխվարչապետներին և նախարարներին, կամ դիմում է Սահմանադրական դատարան: Սահմանադրական դատարանը դիմումը քննում և որոշում է կայացնում հնգօրյա ժամկետում:

Հիշեցնենք, որ նոր Սահմանադրությամբ վարչապետի լիազորությունները բավական ընդլայնվել են՝ նա է գլխավորում անվտանգության խորհուրդը, Զինված ուժերը ենթարկվում են Կառավարությանը, անհետաձգելի անհրաժեշտության դեպքում զինված ուժերի կիրառման մասին որոշումը, պաշտպանության նախարարի առաջարկությամբ, կայացնում է վարչապետը և այդ մասին անհապաղ տեղեկացնում Կառավարության անդամներին:


Գլխավոր էջ



Մեկնաբանություններ (1)
1. Gevik04:40 - 10 ապրիլի, 2018
we need an smart and independent and powerful president who can turn this monkey brain armenian nation to a working class smart and productive nation . someone who can bring industry and production to this country... they need people like me who can do the job right... people like me who understand the job... we need move fast...
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ