HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Արարատ Միրզոյան․«Եթե հեշթեգը գետնին ներկելուց տանում են ոստիկանություն, ուրեմն լինելու են հակագործողություններ»

ԱԺ պատգամավոր, «Իմ քայլը» շարժման անդամ Արարատ Միրզոյանը համոզված է՝ քաղաքացիական ակտիվիստ Անուշ Լալայանի իրականացրած ակցիան՝ արագաչափը վարտիքով փակելը, պարզապես քաղաքացիական անհնազանդություն է և ոչ թե վարչական իրավախախտում։ Այս մասին մեզ հետ զրույցում ասաց Միրզոյանը։ Հիշեցնենք, որ Լալայանը մեզ հետ զրույցում ասել էր, որ արագաչափից վարտիք է կախել՝ այդ կերպ արտահայտելով իր դժգոհությունը իշխանություններից։

«Սերժ Սարգսյանը և իր կլանն այդ ամբողջ տարիների ընթացքում կեղեքում ու թալանում են ժողովրդին, ու մարդկանց թողել են միայն մի վարտիքով: Ես էլ հանեցի վերջին վարտիքն ու տվեցի նրանց, որ ուղղակի գնան», - ասել էր Լալայանը։

«Այն միանշանակ քաղաքացիական ակցիա է՝ ուղղված ժողովրդին ապօրիանաբար թալանելուն։ Եթե իրենք դրանից հետո սկսելու են ակտիվիստներին հետապնդել, տույժեր նշանակել, իհարկե դա դատապարտելի է, և մենք ի պաշտպանություն Անուշ Լալայանի, արդեն հինգ արագաչափ փակել ենք մեր շարժման ստիկերներով»,- ասաց Արարատ Միրզոյանը։

Պատգամավորի համար զարմանալի է, որ ոստիկանությունը բերման է ենթարկում իրենց շարժման ակտիվիստներին միայն նրա համար, որ գետնին ներկում են շարժման հեշթեգը։

«Ես չեմ հասկանում ներկելուց ասֆալտը ո՞նց է փչանում»,- ասաց Միրզոյանը։

Պատգամավորը վստահեցրեց՝ արագաչափերը ստիկերներով փակելով իրենք որևէ կերպ գույքը չեն վնասում։

«Մենք գիտենք, որ մեզնից հետո գալու են այդ ստիկերները հանեն, դա ուղղակի ակցիա է, վերաբերմունքի դրսևորում»,- մանրամասնեց պատգամավորը։

Միրզոյանի խոսքով՝ իրենք շարունակելու են խաղաղ անհնազանդության շրջանակներում ակտիվ գործողություններ կատարել։

«Եթե հեշթեգը գետնին ներկելուց տանում են ոստիկանություն, ուրեմն լինելու են հակագործողություններ»,- ասաց նա։

Առավել մանրամասն՝ տեսանյութում։

 լուսանկարը՝ Նարեկ Ալեքսանյանի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter