Քիչ առաջ «Միասնական Ջավախք» ժողովրդավարական դաշինքի առաջնորդ Վահագն Չախալյանի հայրը «Հետքին» փոխանցեց Վահագնի շնորհավորական ուղերձը. «Շնորհավորում եմ ջավախքահայության, Վրաստանի և Հայաստանի բնակչության, համայն հայության, հոգևոր և աշխարհիկ իշխանությունների, այդ թվում` Վիրահայոց թեմի, ընդդիմադիրների Ամանորն ու Սուրբ ծնունդը: Շնորհավորում են նաև այն քաղաքական ուժերին, որոնք առաջին իսկ օրվանից կանգնած են եղել իմ կողքին»: 

Հիշեցնենք, որ Վահագն Չախալյանը 2008 թվականի հուլիսից ձերբակալված է և վրացական դատարանների կողմից դատապարտվել է 10 տարվա ազատազրկման: Այժմ Վահագնը գտնվում է Վրաստանի Ռուսթավի համար 6 խիստ ռեժիմի բանտում: