Շաբաթ, 21 ապրիլի

ՀՅԴ-ն հավանություն է տալիս Սերժ Սարգսյանի թեկնածությանը



ՀՅԴ Գերագույն մարմինը հայտարարություն է տարածել այսօր ՀՀԿ խորհրդի կողմից վարչապետի պաշտոնում կուսակցության նախագահ Սերժ Սարգսյանի թեկնածության առաջադրման կապակցությամբ: Ստորև ներկայացնում ենք հայտարարության տեքստը․

«Վերահաստատելով 2016թ.-ի փետրվարի 24-ին կնքված քաղաքական  համագործակցության մասին  համաձայնագրով եւ 2017թ. մայիսի 11-ին  քաղաքական կոալիցիա կազմավորելու մասին հուշագրով ամրագրված ռազմավարական նպատակներին և քաղաքական առաջնահերթություններին իր հավատարմությունը`

-նկատի ունենալով, որ 2017թ. ապրիլի 2-ին կայացած խորհրդարանական ընտրությունների արդյունքներով և քաղաքական կոալիցիայի հուշագրով ՀՀԿ-ին է վերապահված վարչապետի թեկնածու առաջադրելու իրավունքը,

-հաշվիառնելով ՀՀԿ Խորհրդի որոշումը վարչապետի թեկնածու առաջադրելու մասին՝

ՀՅԴ Հայաստանի Գերագույն մարմինը հավանություն է տալիս Սերժ Սարգսյանի թեկնածությանը։

Նոր սահմանադրությամբ սկսված համակարգային փոփոխությունները  արդեն իսկ որոշակի դրական սպասումներ եւ որակական  տեղաշարժեր են արձանագրել։Թեև մեր երկրում առկա են բազմաթիվ լրջագույն մարտահրավերներ եւ լուծում պահանջող խնդիրներ, սակայն վերջին երկու տարվա ընթացքում արձանագրված որոշակի հաջողությունները հուսադրում են, որ ընտրված ճանապարհը ճիշտ է։

Պետական և հասարակական կյանքում բեկումնային փոփոխություններ կատարելու ուղղությամբ առարկայական քայլեր ձեռնարկելու հասարակական պահանջ եւ ակնկալիք է ձեւավորվել, ինչը պարտավորեցնում է բոլորիս։ 

Մենք գիտակցում ենք, որ հանձնառություն և պատասխանատվություն ենք ստանձնել նոր որակի իշխանություն ձեւավորելու,   հասարակության մեջ պետության եւ ապագայի հանդեպ վստահություն ստեղծելու, առաջանցիկ զարգացում, սոցիալական արդարություն, մրցակցային հավասար պայմաններ ապահովելու հարցում եւ վստահ ենք, որ հաջողելու ենք»։


Գլխավոր էջ

Տպել    |  In English



Մեկնաբանություններ (5)
1. Gohar Badalyan14:48 - 15 ապրիլի, 2018
ՀՅԴ-ն Զինանշանս , որ ստացել էի որպես պատգամ տարիքն առած, կյանքից հեռացող , բայց հավատքը ի՛ր կուսակցության հանդեպ չ՛կորցրած Հայկազ Բոյաջյանից․․․ մնաց անտեր։ 1992 թ․ Հարթֆորդ, Քննեկտիկուտ նահանգ ,ԱՄՆ։ Մարդու սիրտը թնդում էր ուրախությունից, որ Ազատ, Անկախ, Հայաստանից եկած խմբի է եկել հանդիպելու։ Անվերջանալի հարցումներից հետո դողդողացող ձեռքերով ոսկյա փոքրիկ Զինանշանը հանձնեց այն ժամանակ ՀՕՄ-ի Բժշկական հանձնախմբի Գյումրիի ներկայացուցչիս։ Մարդը տվեց իր ամենաթանկագինը։ ․․․Տարիներով փայփայում էի ու ինքս իմ հերթին որոնում արժանիին ՝ նվիրելու համար։ Այսօր համոզվեցի որ չկա՛ այդ մեկը։
2. Վարազ Սյունի19:04 - 15 ապրիլի, 2018
ԱՍԱԼԱ-ի դեմ ամենաուժեղը պայքարել է ՅՀԴ-ը: Դաշնակցությունը ավելի շատ ԱՍԱԼԱ-ի մարտիկներ է սպանել, քան թուրքական գաղտնի ծառայություն MIT-ը: Ստորև ներկայացնում եմ Դաշնակցության կողմից սպանված ԱՍԱԼԱ-ի մարտիկների անուններն ու սպանության օրը. Մինաս Սիմոնյան (Minas Simonian, 24.12.1982), Կարապետ Փաչաբեզյան (Garabed Pachabezian, 12.03.1983), Սիլվա Չիլինգիրյան (Silva Tchilingirian, մայիս 1984), Սարգիս Դերձակյան (Sarkis Tertsagian, հունրվար 1985), Անդրանիկ Բաթուզյան (Antranig Batouzian, 19.11.1985), Մովսես Բեկարյան (Movses Bekarian, փետրվար 1985), Ժան Խոզյան (Jean Khozian, 20.11.1985). ՀԱՎԵՐԺ ՓԱՌՔ ԱՍԱԼԱ-ի մարտիկներին: Նրանք ՄԻԱԿՆ էին,որ 10 տարուց ավել թուրքերին ամենուր ահ ու սարսափի մեջ պահեցին:
3. Armenian Patriot02:37 - 16 ապրիլի, 2018
Why is ARF still supporting the Republican party? ARF and the Republican party of Armenia have been governing Armenia for the last 20 years and they are RESPONSIBLE for all the current problems in our country. ARF in joining the republican party is not representing the desires of the Armenian Diaspora which is well aware of the talan and everything else in Armenia.
4. Լուսիկ20:06 - 17 ապրիլի, 2018
Անկասկած ՀՅԴ, լինելով հնագույն կուսակցություն, ունի կառույցներ Եվրոպայում, Ամերիկայում: Հետաքրքիր է իմանալ, ինչ կապ ունի այդ կուսակցության հայաստանյան կառույցը արտասահմանյան կառույցների հետ և ինչպես են վերաբերմում արտասահմանի դաշնակցությունը այստեղի ՀՅԴ ստրկական նվիրմանը իշխող կուսակցությանը:
5. Alexan05:10 - 19 ապրիլի, 2018
ARF needs to abandon this leftist, overly communist-minded mentality of idiotic "Cuban Revolutionaries". This surpasses all the sickening crap they pulled as a disservice to our country
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ