HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ինքնաբուխ հավաք Վանաձորում

Գայանե Սարգսյան

Մեկ ժամից ավել է` Վանաձորի գլխավոր՝ Հայքի հրապարակը, փակ է: Հրապարակում հավաքվածները ցուցապաստառներ են պարզել՝ «Հայե´ր, միացե´ք», «Թասիբ ունեցի´ր, Սե´րժ, հեռացի´ր…»: Ցույցի մասնակիցները նշում են, որ հավաքը եղել է ինքնաբուխ:

«Այստեղ հավաքվել են նրանք, ովքեր ցանկանում են ազատ ապրել, ովքեր ցանկանում են, որ Սերժ Սարգսյանը վարչապետ չլինի»,- ասում է հավաքի երիտասարդ մասնակիցներից մեկը:

Հավաքի մասնակիցների մեջ մեծ թիվ են կազմում երիտասարդները: Նրանց մի զգալի մասը Վանաձորի տարբեր բուհերի ուսանող է: Մինչ երիտասարդները նստացույց են անում` փակելով Հայքի հրապարակին կից մայրուղին, բուհերից ահազանգում են նրանց ծնողներին ու տեղեկացնում երիտասարդների փողոց դուրս գալու մասին:

Մեր ներկայությամբ վանաձորցի տատիկներից մեկը երիտասարդ թոռանը հորդորում էր՝ տղա ջան, արդեն մորդ խաբար են արել, արի գնանք տուն: Երիտասարդը, սակայն, անկոտրում էր:

Թե որքան կշարունակվի հավաքը, պարզ չէ: Հավաքի մասնակիցներն ասում են, որ վճռական են տրամադրված:

«Մենք դիմում ենք Սերժ Սարգսյանին ու խնդրում, որ հեռանա»,- ասաց նրանցից մեկը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter