Մարդու իրավունքների պաշտպանի աշխատակազմի արագ արձագանքման խմբերն այցելել են ոստիկանության Էրեբունու, Կենտրոնականի և Արաբկիրի բաժիններ։ Այս մասին հայտնում է ՄԻՊ աշխատակազմը՝ հավելելով, որ հատուկ ուշադրություն է դարձվում բերման ենթարկելու հիմքերին։

Պաշտպանի աշխատակազմը հայտնում է նաև, որ Երևանում հավաքներ նախաձեռնելու առաջին պահից սահմանվել է աշխատանքի արտակարգ գրաֆիկ, ստեղծվել են աշխատանքային խմբեր, որոնք, ըստ մասնագիտական ուղղությունների, իրականացնում են թե՛ հավաքների շուրջօրյա դիտարկում, թե՛ այցեր՝ կապված հավաքների մասնակիցներին ոստիկանության կողմից մեկուսացնելու փաստերի հետ, և թե՛ ԶԼՄ-ների հրապարակումների ու սոցիալական ցանցերի մշտադիտարկում: