Շաբաթ, 22 սեպտեմբերի

Արմեն Սարգսյանը ժամանեց Հանրապետության հրապարակ (տեսանյութ)




Քիչ առաջ Հայաստանի նախագահ Արմեն Սարգսյանը ժամանեց Հանրապետության հրապարակ: Ցուցարարները նրան դիմավորեցին «Նախագահ, միացի՛ր», «Նախագահ, մերժիր Սերժին» բացականչություններով: Քիչ անց Սարգսյանին հանդիպեց Նիկոլ Փաշինյանը: Նրանք մի քանի րոպե զրուցեցին, սակայն զրույցը լսելի չէր, քանի որ անվտանգության աշխատակիցները չէին թույլատրում մոտենալ զրուցակիցներին:

Այսօր Երեւանում Սերժ Սարգսյանի վարչապետության դեմ քաղաքացիական անհնազանդության գործողությունների 9-րդ օրն է:

Հիշեցնենք, որ ապրիլի 17-ին Ազգային ժողովում Սերժ Սարգսյանի վարչապետ ընտրվելուց հետո «Իմ քայլը» շարժման նախաձեռնող, ԱԺ «Ելք» խմբակցության անդամ, «Քաղաքացիական պայմանագիր» կուսակցության վարչության անդամ Նիկոլ Փաշինյանը հայտարարեց թավշյա հեղափոխության մասին, որը պետք է իրականացվի ցանցային եղանակով` ցուցարարներն ամեն օր Երեւանում եւ հանրապետության մարզերի քաղաքային ու գյուղական բնակավայրերում ժամանակավորապես խափանում են երթևեկությունը, փողոցներում, փակում միջպետական ճանապարհները, իսկ երեկոյան հանրահավաք անում Հանրապետության հրապարակում: Երեկ Հանրապետության հրապարակում տեղի ունեցած հանրահավաքի ժամանակ Նիկոլ Փաշինյանը խոսեց քաղաքական հետագա զարգացումների մասին եւ շարադրեց շարժման ծրագրային կետերը:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ