«ԵԼՔ» խմբակցության պատգամավոր Մանե Թանդիլյանն իր ֆեյսբուքյան էջում հայտել է, որ խմբակցության պատգամավոր Գևորգ Գորգիսյանի հետ այցելել են Շենգավիթի ոստիկանական բաժին՝ տեսակցելու այսօր կեսօրին բերման ենթարկված և արդեն իսկ ձերբակալված Արարատ Միրզոյանին և Սասուն Միքայելյանին: 

«Տեսակցեցինք Արարատ Միրզոյանին և Սասուն Միքայելյանին, իրենց հետ ամեն ինչ կարգին է, կատարվում է քննչական գործողություն: Այս կապակցությամբ հանդես կգանք հայտարարությամբ: Արարատ Միրզոյանը փոխանցում է, որ իր տրամադրությունը բարձր է և ամեն ինչ կարգին է»,- գրել է պատգամավորը: