HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կարեն Կարապետյան. «Երբ հանդիպումը լինում է ուլտիմատիվ, դա երկխոսություն չէ»

Հայաստանի առաջին փոխվարչապետ Կարեն Կարապետյանն արձագանքել է ընդդիմադիր դաշտում հնչող կարծիքներին, թե վարչապետ Սերժ Սարգսյանի և «Քաղաքացիական պայմանագիր» կուսակցության ղեկավար Նիկոլ Փաշինյանի հանդիպման ընթացքում վարչապետի կողմից մարտի 1-ի դեպքերի մասին հիշեցնելն այդ դեպքերի կրկնության սպառնալիք էր: Ապրիլի 22-ին լրագրողների հետ հանդիպմանը ՀՀ առաջին փոխվարչապետը շեշտեց, որ դա սպառնալիք չէր, այլ հիշեցում մեր պատմության մեջ դաժան և դառը օրերի մասին: «Ես վստահ եմ, որ դրանից բոլորը պետք է եզրակացություն անեն»,- «Արմենպրես»-ի փոխանցմամբ՝ նշեց Կարապետյանը:

Անդրադառնալով Սերժ Սարգսյանի և Նիկոլ Փաշինյանի հանդիպման արդյունքներին՝ առաջին փոխվարչապետն ընդգծել է, որ բոլորը, այդ թվում՝ ինքն ակնկալում էին, որ այդ հանդիպումը կտա որոշակի տարբերակներ, որոշակի ճանապարհային քարտեզ, թե ինչպես ենք այս իրավիճակից դուրս գալիս: «Բանակցությունը, կամ երկխոսությունը ենթադրում է, որ ինչ-որ մեկը գալիս է խոսելու, մեկը մյուսին լսելու, հնարավոր է՝ լուծում գտնելու, հնարավոր է՝ ոչ: Բայց երբ հանդիպումը լինում է ուլտիմատիվ, դա երկխոսություն չէ»,- նշեց Կարապետյանը:

Նրա գնահատմամբ՝ ակնհայտ է, որ կողմերից մեկը չէր եկել բանակցելու, չէր եկել այն տրամաբանությամբ, որ ինքը լուծում էր ցանկանում գտնել:

Մեկնաբանություններ (1)

Լուսիկ
Իսկ երբ իշխանավորի կողմից, որի բռում են բոլոր ուժային կառույցները, հնչում է սպառնալիք, ի՞նչ երկխոսություն:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter