Գարեգին Չուգասզյանին ձերբակալել են
Հիմնադիր խորհրդարանի նախագահ Գարեգին Չուգասզյանը ձերբակալվել է: Այս մասին տեղեկացնում են Հիմնադիր խորհրդարանից.
«Գարեգին Չուգասզյանը երեկ դուրս էր եկել ընդհատակից և այսօր Հիմնադիր խորհրդարանի գործընկերների հետ բարձրացել էր Ծիծեռնակաբերդի համալիր հարգելու Ցեղասպանության զոհերի հիշատակը։ Մոտ հինգ րոպե առաջ, Ծիծեռնակաբերդի բարձունքից իջնելիս, նրան դիմավորել են ոստիկանները և ձերբակալել»։
Քիչ առաջ Գ. Չուգասզյանի ձերբակալության մասին տեղեկացրեց նաև ոստիկանությունը: Հաղորդագրության մեջ նշվում է, որ ազգային անվտանգության ծառայության և ոստիկանության աշխատակիցների փոխգործակցության և համատեղ ձեռնարկած օպերատիվ հետախուզական միջոցառումների արդյունքում Երևանի Աթենքի փողոցում հայտնաբերվել և ոստիկանության քրեական հետախուզության գլխավոր վարչություն բերման է ենթարկվել Գարեգին Չուգասզյանը։
«57-ամյա Չուգասզյանը 2016 թվականի հուլիսիսց հետախուզվում էր ՀՀ քրեական օրենսգրքի 225-րդ հոդվածի 1-ին մասի՝ զանգավածային անկարգություններ կազմակերպելու հատկանիշներով, խափանման միջոցը՝ կալանք»,- հայտնում է ոստիկանությունը։
Մեկնաբանել