Հինգշաբթի, 20 սեպտեմբերի

Մանկավարժական համալսարանի ուսանողները ցանկանում են սովորել ապակուսակցական համալսարանում



Խաչատուր Աբովյանի անվան մանկավարժական համալսարանի ուսանողները ցանկանում են, որ ուսանողական կառույցները լինեն ապակուսակցականացված։ Նրանք այսօր բուհի գլխավոր մասնաշենքի դիմաց քննարկում են ունեցել, որից հետո շարժվել դեպի Հանրապետության հրապարակ՝ միանալու ցույցի մյուս մասնակիցներին։ Ուսանողները պնդում են, որ կրթությունը չպետք է կապել որևէ կուսակցության հետ, իսկ ուսանողը պետք է ապրի ազատ ու անկախ երկրում։

Հիշեցնենք, որ Հայաստանում բողոքի զանգվածային ցույցերը մեկնարկել են ապրիլի 13-ին։ Ցույցերի 11-րդ օրը վարչապետ Սերժ Սարգսյանը հայտարարեց իր հրաժարականի մասին, որից հետո Նիկոլ Փաշինյանի ղեկավարած շարժումը պահանջեց իշխանությունից Հանրապետական կուսակցության հեռացումը։ Այսօր առավոտյան Փաշինյանը քաղաքացիներին կոչ արեց փողոցները փակելու փոխարեն բացառել առանց համարանիշի կամ փակված համարանիշով մեքենաների վարումը, ինչը մեծ տարածում էր գտել վերջին օրերին և հարուցել շատերի դժգոհությունը։


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ