Շաբաթ, 26 մայիսի

Արշավ` ընդդեմ Ամուլսարի հանքավայրի շահագործման (ուսանկարներ, տեսանյութ)


Բնապահպանները, ակտիվիստները և քաղաքացիները, որոնք մտահոգված են շրջակա միջավայրի, մասնավորապես Ամուլսարի հանքավայրի շահագործման ապագա վտանգներով, այսօր արշավ են նախաձեռնել դեպի Վայոց ձոր: Հայկական բնապահպանական ճակատի համակարգող Լևոն Գալստյանը նշեց, որ Ամուլսարի հանքի շահագործումը լուրջ վտանգ է ներկայացնում Սյունիքի և Վայոց ձորի մարզերի համար, քանի որ աղտոտվելու են ջրի և հողի պաշարներ:

Եթե Ամուլսարի հանքը շահագործվի, տեղացիները կկորցնեն տնտեսական գործունեություն իրականացնելու հեռանկարները: Լևոն Գալստյանը նշեց, որ Ամուլսարի ամենամեծ վտանգներից մեկը ջրային պաշարների աղտոտումն է, որը կարող է 200-300 տարի տևել: Դրա կանխարգելման ծախսերը կգերազանցեն հանքի ողջ ընթացքում ստացվելիք շահույթը, ինչը, բնականաբար, ձեռնտու չէ շահագործողներին:

Ամուլսարի ճակատագրով մտահոգված քաղաքացիների նպատակն է ակտիվացնել տեղաբնակներին և քաղաքացիներին, որպեսզի կարողանան կանխել Ամուլսարի հանքի շահագործումը: «Հայաստանում կատարվող փոփոխությունների ֆոնին հյուսում ենք մեր թեման»,- նշեց Արփինեն:

Արշավի մասնակիցները Երևանից ուղևորվեցին Արենի, որտեղ ժողովրդին բաժանեցին իրազեկման թերթիկներ Ամուլսարի հանքի շահագործման վտանգների մասին: 

Արշավականներն այնուհետև Եղեգնաձորում էին: «Ոչ մի հանք Ամուլսարում», «Մաքուր, կանաչ Հայաստան», «Պահպանեք Հայաստանի ջրերը» կոչերով արշավի մասնակիցները շրջցին Եղեգնաձորի կենտրոնական փողոցներում։

Ակտիվիստ Աննա Շահնազարյանը Եղեգնաձորում կոչ էր անում միանալ Ամուլսարի դադարեցման իրենց ակցիային և միահամուռ պայքարել հանքի շահագործման դեմ: Ակտիվիստները մի քանի րոպեով փակեցին Վայքի Ջերմուկի խճուղին։  

Ամուլսարի հանքավայրի շահագործամ դեմ կազմակերպված արշավի հաջորդ կայարանը Գնդեվազ գյուղն էր, որտեղ արդեն իսկ կառուցվում է «Լիդիան»-ի հանքի տարալվացման հարթակը:

Մի խումբ գնդեվազցիներ և ջերմուկցիներ սպասում էին Երևանից ժամանած արշավականներին և, նրանց միանալով, շարժվեցին դեպի տարալվացման հարթակի անցակետի մոտ:

Հորդառատ անձրևն արագացրեց արշավականների ակցիան «Լիդիան»-ի տարալվացման փակ դռների մոտ, որտեղից նրանք շարժվեցին Զերմուկ:

Զերմուկի բնակելի հատվածում նախ բնակիչներին իրազեկելու ակցիա անցկացրին: Այնուհետև տեղափոխվեցին տուրիստական հատվածը: Այստեղ ակտիվիստները Հ. Թումանյանի «Չարի վերջը» բեմականացրին, և սար ու ծառին տիրացող աղվեսին, որը փոքր-ինչ փոփոխված սցենարով մարմնավորում էր «Լիդիան»-ին, գլխին հարվածելով հեռացրին թատերաբեմից:

Այդպիսի վերջով էլ արշավականները սպառնացին Ամուլսարը շահագործողներին և կոչերով հորդորեցին հեռանալ իրենց պատկանող սարից:

«Ամուլսարը մերն է», ««Լիդիան», հեռացիր» մանկարկումներով արշավականները վերջին կանգառը կատարեցին Զերմուկի «Լիդիան»-ի գրասենյակի մոտ, որտեղ անվռանգության աշխատակիցները փորձ արեցին սահմանափակել ցուցարարների տեղաշարժը` արգելելով նրանց մուտք գործել նախկին հյուրանոցի տարածք, որն այժմ օգտագործում է «Լիդիան»-ը:

Ռուսաստանից ժամանակծ արշավականներից մեկն անվտանգության աշխատողներին և ընկերության ներկայացուցիչներին դավաճան անվանեց, որոնք աշխատում են «Լիդիան»-ում և չեն մտածում իրենց երեխաների և հայրենիքի մասին:

Արշավականները սպառնացին ընկերության դիմաց, որ եթե «Լիդիան»-ը չհեռանա Հայաստանից, նրան ստիպողաբար կհեռացնեն, ինչպես դա արեցին ապրիլի 23-ին վարչապետի աթոռը զբաղեցրած Սերժ Սարգսյանին:


Գլխավոր էջ

Մեկնաբանություններ (1)
1. Frank00:56 - 1 մայիսի, 2018
The financial benefits are much bigger for Armenia and the water problem can be resolved without running around and com plaining about it . What did it take to get this mine ready ....will the tax payer reimburse the Lydian Company ??? Why is it that every time the governments around the world plan to enrich the citizens lifestyle the complainers always appear ?
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։