Ցուցարարները փակել են Լոռու մարզի մի շարք ճանապարհներ, այդ թվում՝ միջպետական
Այս պահին Ալավերդու Սանահին կայարանային թաղամասում փակված է երկաթգիծը և Վանաձոր-Ալավերդի միջպետական ճանապարհը։ Փակ են նաև Շնող-Բագրատաշեն, Քարկոփ-Բագրատաշեն ճանապարհները։ Ալավերդու Էնգելս թաղամասի բնակիչները փակել են Ալավերդի-Բագրատաշեն ճանապարհը։
Հիշեցնենք, որ երեկ` Ազգային ժողովի հատուկ նիստում պատգամավորների ձայների մեծամասնությամբ վարչապետ չընտրվելուց հետո, «Իմ քայլը» շարժման առաջնորդ Նիկոլ Փաշինյանը կոչ արեց վերսկսկել քաղաքացիական անհնազանդության գործողությունները, այսօր վաղ առավոտից` 8:15-ից, շրջափակել հանրապետության հաղորդակցության բոլոր ուղիները` փողոցները, երկաթուղին, մետրոն, օդանավակայանը, միջպետական ճանապարհները, հայտարարել տոտալ դասադուլ և գործադուլ:
Ցուցարարները այս պահին հավավքել են Բագրատաշենի մաքսակետում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել