ՈՒրբաթ, 21 սեպտեմբերի

Վարչապետի հաջորդ ընտրությունը կլինի մայիսի 8-ին



Վարչապետի ընտրությունները կլինեն մայիսի 8-ին՝ ժամը 12:00-ին, իրավունքի ուժով գումարվող Ազգային ժողովի հատուկ նիստում: 
Այս մասին տեղեկանում ենք խորհրդարանի պաշտոնական կայքից: Հիշեցնենք, որ երեկ կայացած ընտրություններում քաղաքական մեծամասնությունը մերժեց Նիկոլ Փաշինյանի թեկնածությունը:

Ըստ Սահմանադրության՝ այս ընտրության ժամանակ կարող են առաջադրվել պատգամավորների ընդհանուր թվի առնվազն մեկ երրորդի առաջադրած վարչապետի թեկնածուները, այսինքն առնվազն 35 պատգամավորի ձայն է հարկավոր, որպեսզի Նիկոլ Փաշինյանն առաջադրվի:

Եթե այդ ընտրության ժամանակ էլ վարչապետ չի ընտրվում, խորհրդարանն իրավունքի ուժով լուծարվում է: Սահմանադրության համաձայն՝  Ազգային ժողովի արտահերթ ընտրությունն անցկացվում է Ազգային ժողովի արձակվելուց ոչ շուտ, քան 30, և ոչ ուշ, քան 45 օր հետո:

Այսօր ՀՀԿ-ական պատգամավորները խուսափում էին լրագրողների հետ զրույցում որևէ մեկնաբանություն տալ առաջիկա ընտրության մասին: ԱԺ պատգամավոր Հակոբ Հակոբյանն ասաց, որ դեռ վաղ է այդ մասին խոսել՝ ՀՀԿ-ն թեկնածու կառաջադրի, թե ոչ:

Գլխավոր էջ

Տպել    |  In English


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ