HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հակոբ Հակոբյանը խաբել է վարդենիկցիներին. գյուղացիները նոր հանդիպում են պահանջում

Գեղարքունիքի մարզի Վարդենիկ գյուղի բնակիչները վրդովված են: Երեկ ԱԺ-ում կայացած վարչապետի ընտրությանը Հակոբ Հակոբյանը չքվեարկեց Նիկոլ Փաշինյանի օգտին, ինչպես խոստացել էր վարդենիկցիներին:

Հիշեցնենք՝ վարդենիկցիները փակել էին նրա հէկի ջուրը, որից հետո պատգամավորն այցելել էր Վարդենիկ, հանդիպել գյուղացիներին և խոստացել, որ քվեարկելու է ժողովրդի թեկնածուի օգտին:

Երեկ, սակայն, Հանրապետական կուսակցությունից Նիկոլ Փաշինյանի օգտին քվեարկող պատգամավորների ցանկում նա չկար:

Վարդենիկցիներն իրենց խաբված են զգում: Նրանցից ոմանք ֆեյսբուքյան գրառումներում Հակոբ Հակոբյանից պահանջում են վայր դնել պատգամավորական մանդատը և սպառնում են նրա հէկի ջուրը փակելով:  

Վարդենիկի համայնքապետարանի աշխատակազմի քարուղար Արմեն Հովհաննիսյանը մեզ հետ զրույցում պատմեց, որ գյուղացիները միասնական որոշում դեռևս չեն կայացրել և կրկին պահանջում են, որ պատգամավորն այցելի Վարդենիկ: Գյուղապետի օգնությամբ փորձ է արվում նրա հետ ևս մեկ հանդիպում կազմակերպել: Դրանից հետո գյուղացիների գործողությունները պարզ կդառնան: Հանդիպումը փորձ է արվում կազմակերպել վաղը:

Մեկնաբանություններ (2)

Grigor
Ինչ կա զարմանալու? Սերժից ա սոոչել սուտ խաստումներ տալ:
Գայանե
Մեկ անգամ խաբողը երկրորդ անգամ էլ է խաբելու , մի՛ թույլ տվեք խաբել ձեզ , հպարտ վարդենիկցիներ

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter