ՈՒրբաթ, 21 սեպտեմբերի

Տարոն Մարգարյանի հրաժարականը պահանջելու պատճառով ծեծի ենթարկված երիտասարդները բողոքի ակցիա են իրականացնում



Քաղաքապետարանի դիմաց բողոքի ակցիա իրականացնելու համար երեկ երեկոյան ծեծի ենթարկված 7 ցուցարար այս պահին Երեւանի քաղաքապետարանի դիմաց բողոքի ակցիա է իրականացնում:

Նրանք ինչպես երեկ, այնպես էլ այսօր պահանջում են Երեւանի քաղաղաքապետ Տարոն Մարգարյանի հրաժարականը:

Ինչպես «Հետք»-ի հետ զրույցում նշեց երեկվա պատահարից տուժած Համբարձում Մուրադյանը, ժամը 21:00-ի սահմաններում, երբ յոթ հոգով բարձրանալիս են եղել Բաղրամյան պողոտայով եւ ճանապարհին հանդիպած քաղաքացիներին կոչ են արել այսօր առավոտյան 08:30-ին կրկին հավաքվել Երեւանի քաղաքապետարանի դիմաց, «Սաս» սուպերմարկետից քիչ ներքեւ «Շեվրոլետ Նիվա » մակնիշի 17 GO 707 համարանիշով մեքենայի հետեւի սրահից մի տղամարդ դուրս է եկել եւ հարձակվել Համբարձումի վրա: Նրա փոխանցմամբ՝ հարձակվողը ասել է՝ արա, դե զզվացրեցիք, եւ ջարդել նրա ձեռքի բարձրախոսը ու փախուստի դիմել:

50-ին մոտ այդ տղամարդը նաեւ հարձակվել է Էդգար Վարդանյանի վրա եւ հարվածել դեմքին, որի արդյունքում քթի սալջարդ է ստացել: «Գնում էի բռնեի նրան, որ չփախնի, ոստիկանություն գա, անձնական վիրավորում հասցրեց եւ հարվածեց դեմքիս: Հետո արդեն նստեց մեքենան եւ հեռացավ»,- նշեց Էդգարը:

Տղաները կարողացել են րոպեների ընթացքում փակել Բաղրամյան փողոցի այդ հատվածը եւ տեղում գտնվողների ուշադրությունը դեպքի վրա հրավիրել:

Ցուցարարները շտապօգնություն են կանչել եւ ոստիկանների: Նրանք հրաժարվել են հիվանդանոց տեղափոխվել, եւ Համբաձրումն ու Էդգարը գնացել են Արաբկիրի ոստիկանական բաժանմունք:

Չնայած վարորդը փախուստի է դիմել, սակայն ոստիկանները հայտնաբերել են այն մեքենան, որով նա եկել էր եւ տեղափոխել են Արաբկիրի ոստիկանական բաժանմունք: Այս պահին ոստիկանական բաժանմունքում դեպքի վերաբերյալ նյութեր են նախապատրաստվում, եւ այսօր կեսօրին տղաները պետք է գնան դատաբժշկական փորձաքննության:

Տղաներն ասում են, որ պատրաստվում են այսօր փակել քաղաքապետարանի դիմացի փողոցները եւ աշխատանքային ժամի ավարտին արդեն կփակեն քաղաքապետարանի մուտքերը, որ աշխատակիցները չկարողանան դուրս գալ շենքից:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ